دربھنگہ: جن سوراج کے سربراہ پرشانت کشور کا متھیلا کی سرزمین پر شعیب احمد خان نے پرتپاک استقبال کیا۔ بہار کی حالت تب ہی دور ہوگی جب لوگ اپنے ووٹ کا صحیح استعمال کریں گے۔ پرشانت کشور متھیلا ہائی اسکول، مکانہہی میں منعقد ہونے والے جن سوراج کے اعلان میں اہم شریک تھے۔ پروگرام شروع ہونے سے پہلے پرشانت کشور سیسو میں واقع فرنچ اوون پہنچے جہاں دربھنگہ دیہی اسمبلی کے ممکنہ امیدوار شعیب احمد خان نے متھیلا روایت کے مطابق ان کا پرتپاک استقبال کیا اور کہا کہ ہم پرشانت کشور کو متھیلا کی مقدس سرزمین پر دل کی گہرائیوں سے خوش آمدید کہتے ہیں۔ پرشانت کشور نے جن سوراج اُدگوش پروگرام میں عوام سے خطاب کرتے ہوئے کہا کہ لوگ بنیادی مسائل کے لیے ووٹ نہیں دیتے بلکہ ذات پات کی بنیاد پر ووٹ دیتے ہیں۔ انہوں نے کہا کہ اس بار اسمبلی انتخابات میں عوام مسائل کو لے کر ووٹ دیں۔ اس پروگرام میں جن سوراج کے عہدیداروں، افسران، کارکنوں اور مقامی لوگوں کی بڑی تعداد نے بڑی تعداد میں شرکت کی۔ پروگرام کے بعد مدرسہ حمیدیہ، قلعہ گھاٹ میں دعوت افطار کا اہتمام کیا گیا جس میں پرشانت کشور نے بھی شرکت کی۔
