پٹنہ سیٹی8 مئی ( ذوالقرنین) انسانی طبیعت یہ تقاضہ کرتی ہے کہ انسان اپنے وطن، اہل و عیال دوست و رشتہ داراور مال و دولت سے انسیت ومحبت رکھے اور ان کے قریب رہے جب آدمی حج کے لیے جاتا ہے؛ تو اسے اپنے وطن اور بیوی و بچے اور رشتے دار و اقارب کو چھوڑ کر اور مال و دولت خرچ کرکے جانا پڑتا ہے یہ سب اس لیے کرنا پڑتا ہے کہ حج کی ادائیگی شریعت کا حکم ہے یہی وجہ ہے کہ شریعت نے حج کے حوالے سے بہت ہی رغبت دلائی ہے، انسان کوکعبہ مشرفہ کے حج و زیارت پر ابھارا، مہبط وحی و رسالت کے دیدار کا شوق بھی دلایا ہے اورسب سے بڑھ کر شریعت نے حج کا اتنا اجر و ثواب متعین فرمایا ہے کہ سفر حج ایک عاشقانہ سفر بن جاتا ہے اپنے اسی حج کی ادائیگی کے لئے پٹنہ سیٹی کے محلہ ہرناہا ٹولہ کے مشہور و معروف غلہ و کرانہ اسٹور کے محمد فخر الحسن صاحب اپنی اہلیہ محترمہ کے ہمراہ حج کے مبارک سفر پر روانہ ہوئے حج کے مبارک سفر پر روانہ ہونے سے قبل جناب قمر الحسن صاحب کے رہائش گاہ ہرناہا ٹولہ پٹنہ سیٹی میں مختصر دعائیہ محفل کا اہتمام کیا گیا جس میں مرادالنساء کی مسجد (خان بہادر معین روڈ )کے خطیب و امام حافظ محمد جاوید عالم عمادی صاحب قبلہ نے دعا فرمائی اس دعائیہ محفل میں کثیر تعداد میں شہر کے معزز شخصیات نے شرکت کی اس موقع پر قمر الحسن شاہ نواز اختر حافظ محمد مصعب خان عمادی سید منور احسن عمادی حاجی شمیم قریشی محمد کلام سید عادل احسن عمادی محمد قادر محمد جاوید محمد مسرور عالم وغیرہ شامل تھے ،دعائیہ محفل کے بعد جناب فخر الحسن صاحب نے تمام لوگوں سے گلے مل کر اپنی نم آنکھوں سے رخصت ہوئے وہیں تمام ملنے والے حضرات نے فخرالحسن صاحب سے اپنی جانب سے دعا کی درخواست کی۔
