پٹنہ، 8 مئی : بہارریاستی حج کمیٹی کے چیئرمین الحاج عبدالحق نے اپنے خصوصی پریس اعلانیہ کے ذریعہ مطلع کیاہے کہ مورخہ 08-05-2025کو دہلی ایئرپورٹ سے فلائٹ نمبرSV3079کے ذریعہ بہار کے 404عازمین حج کا پہلا قافلہ مدینہ منورہ کے لئے روانہ ہوا۔ بہار کے عازمین حج کو رخصت کرنے کے لئے دہلی ایئرپورٹ پر محمد زماں خان، وزیر محکمہ اقلیتی فلاح حکومت بہار، محمد سہیل ، سکریٹری محکمہ اقلیتی فلاح، حکومت بہار، الحاج عبد الحق چیئرمین ومحمد راشد حسین چیف اکزکیوٹیو افسر بہار ریاستی حج کمیٹی موجود تھے۔انہوں نے بہار کے تمام عازمین حج کو اس مبارک سفرکے لئے نیک خواہشات کا اظہار کیا۔اس سے قبل محمد زماں خان و محمد سہیل سکریٹری محکمہ اقلیتی فلاح حکومت بہار نے بہار سدن میں عازمین حج کے قیام و طعام اور ان کی معاونت کے لئے کئے گئے انتظامات کا جائزہ لیا اور اطمنان کا اظہار کیا۔موصوف نے بتایا کہ دہلی امبارکشن پوائنٹ پر بہار کے عازمین حج کو کسی طرح کی دشواری درپیش نہ ہو اس کے لئے عازمین حج کی فلائٹ کی مقررہ تاریخ سے قبل سے ہی بہار ریاستی حج کمیٹی کے ملازمین و نوڈل آفیسردہلی اسٹیٹ حج کمیٹی اور بہار سدن میں کیمپ کر رہے ہیں۔آج کی فلائٹ سے مدینہ منورہ روانہ ہونے والے بہار کے 32اضلاع کیعازمین حج شامل ہیں۔واضح ہو کہ آج کی فلائٹ سے مدینہ منورہ روانہ ہونے والے بہار کے عازمین حج اپنی رپورٹنگ کی مقررہ تاریخ 06-05-2025کودہلی اسٹیٹ حج کمیٹی رپورٹنگ کے واسطے پہنچ گئے تھے۔رپورٹنگ کے بعد عازمین حج بہارسدن کے لیے روانہ ہوگئے تھے، جہاں محکمہ اقلیتی فلاح حکومت بہار کی جانب سے ان کے قیام و طعام کا نظم کیا گیا تھا۔بہارسدن کے بہترانتظامات اوربہارریاستی حج کمیٹی کے ذریعہ تعینات کئے گئے ملازمین ونوڈل آفیسرکی معاونت اوران کی رہمنائی کی بناء پرعازمین حج کوکافی سہولت ہوئی۔
