بہارشریف(محمد راشد عالم) نالندہ ضلع ہیڈکوارٹر بہارشریف شہر کا مشہور ومعروف تعلیمی ادارہ اور 110 سال کی پرانی صغریٰ پلس ٹو ہائی اسکول کی مین گیٹ کا افتتاح بہار سنی وقف بورڈ کے چیئرمین حاجی محمد ارشاد اللہ،مخدوم جہاں کے سجادہ نشیں کم صغریٰ وقف اسٹیٹ کے صدر سید شاہ سیف الدین فردوسی،نائب صدر کم پلس ٹو ہائی اسکول کے صدر سلطان انصاری،سیکرٹری محمد آفتاب عالم،پرنسپل شاہینہ ناز،متولی ڈاکٹر مختار الحق،نائب اول چھوٹن بہاری،صغریٰ کالج کے سیکریٹری ایم بی شہاب الدین وغیرہ نے مسترکہ طور پر ریون کاٹ کر کیا گیا۔اس موقع پر بہار ریاستی سنی وقف بورڈ کے چیئرمین حاجی ارشاد اللہ نے کہاکہ صغریٰ پلس ٹو ہائی اسکول اب ایک نئے روپ اور خوبصورت انداز میں نظر آرہا ہے جہاں پہلے اسکول کی عمارت خستہ حال تھا مگر آج مین گیٹ سے لیکر پوری اسکول کی عمارت ایک خوبصورت نظارہ پیش کر رہی ہے۔یہ سب کام اسکول انتظامیہ اور صغریٰ وقف اسٹیٹ کے عہدے دران و ممبران کی بہتر کارکردگی کے سبب ہوا ہے۔ارشاد اللہ نے کہاکہ ریاشتی حکومت اردو کی فروغ سے لے کر اردو کے تمام اسکولوں پر پوری توجہ کے ساتھ ترقیاتی کاموں کو انجام دینے میں مصروف ہیں۔انہوں نے نتیش حکومت کی جم کر تعریف کرتے ہوئے کہاکہ بہار کی پہلی ایسی حکومت ہے جنہوں نے مسلم طلباء کے لیے مفت کوچنگ و رہنے کھانے پینے کے ساتھ ساتھ کئی طرح کے اسکیم کو نافذ کیا ہے۔اسکول صدر محمد سلطان انصاری اور سکریٹری محمد آفتاب عالم کی بہتر کارکردگی کے لیے مبارکباد پیش کی۔جنہوں نے اسکول کی تقدیر اور تصویر دونوں ہی بدل دی ہے۔انہوں نے کہاکہ بچے بچیوں کی کشیر تعداد کو دیکھ کر آج بہت ہی خوشی محسوس ہو رہی ہے ہماری بچیاں بھی تعلیمی میدان میں کافی بڑھ چڑھ کر حصہ لے رہی ہیں اور مسلم سماج میں تعلیم پر زیادہ توجہ دینے کی بات کہی۔مزید انہوں نے کہاکہ بھوکے اور پرانے کپڑے پہن کر پہلے تعلیم حاصل کریں۔علم سے بڑھ کر دنیا میں کوئی دولت نہیں ہے علم کے بغیر انسان ایک پتھر کے مانند ہے۔تعلیم ایک ایسی دولت ہے جو نہ کوئی چھین سکتا ہے نہ کوئی چرا سکتا ہے۔اس موقع پر اسکول احاطے میں جلسہ سیرت النبی کا بھی انعقاد کیا گیا۔جلسہ میں موجود اسکول کے طالب علم کے علاوہ استاذہ اور دیگر لوگوں سے سید سیف الدین فردوسی نے اپنے تقریر میں کہاکہ محمد ﷺ نے سب سے زیادہ علم حاصل کرنے پر لوگوں کو متوجہ کیا تھا اور علم کو حاصل کرنے کے لیے سبھی طرح کے اقدامات کرنے کی بات کہی تھی۔اس موقع ڈپٹی میئر کے نمائندہ دانش ملک،سماجی رہنما یاشر امام،ممبرانوں میں ڈاکٹر مبشرحیات،جاوید قریشی،رومی خان،محمد قدوس،لڈن ملک،منا ملک کے علاوہ صغریٰ وقف اسٹیٹ سے متعلق سبھی ادارے کے لوگ موجود تھے۔
