آئندہ ماہ آسٹریلیا میں شروع ہو رہے ٹی-20 عالمی کپ کے لیے ہندوستانی ٹیم نے اپنی کمر کس لی ہے۔ عالمی کپ ٹورنامنٹ سے پہلے ہندوستانی ٹیم کو جنوبی افریقہ اور آسٹریلیا جیسی ٹیموں سے کچھ میچز کھیلنے ہیں، اور اس کے بعد پوری ٹیم آسٹریلیا روانہ ہو جائے گی۔ ٹی-20 عالمی کپ کے لیے ہندوستانی ٹیم کا اعلان بھی ہو چکا ہے، اور اب تازہ ترین خبر یہ ہے کہ عالمی کپ میں ہندوستانی ٹیم نئی جرسی یعنی لباس میں میدان پر اترے گی۔
The game is not really the same without you guys cheering us on!
Show your fandom along with @BCCI for the game by sharing your fan moments on https://t.co/jH9ozOU1e9#MPLSports #IndianCricketTeam #ShareYourFanStories #CricketFandom #loveforcricket #cricket pic.twitter.com/VObQ3idfUz— MPL Sports (@mpl_sport) September 13, 2022
ہندوستانی کرکٹ ٹیم کی آفیشیل کِٹ پارٹنر ’ایم پی ایل اسپورٹس‘ نے ایک ویڈیو پیغام شیئر کیا ہے جس میں نئی جرسی کے ساتھ ہندوستانی ٹیم کے ٹی-20 عالمی کپ میں اترنے کی بات سامنے آئی ہے۔ اس ویڈیو میں روہت شرما، شریئس ایر اور ہاردک پانڈیا دکھائی دے رہے ہیں۔ روہت شرما کہہ رہے ہیں ’’فینس کے طور پر آپ نے ہی ہمیں کرکٹر بنایا ہے۔‘‘ شریئس کہتے ہیں ’’آپ لوگ جو جوش بڑھاتے ہیں، اس کے بغیر کھیل میں وہ مزہ نہیں آتا۔‘‘ اس کے بعد ہاردک پانڈیا فینس یعنی شیدائیوں کو ہندوستانی ٹیم کی نئی جرسی میں حصہ دار بننے کے لیے کہتے ہوئے نظر آتے ہیں۔
اس ویڈیو کے سامنے آتے ہی ہندوستانی کرکٹ شیدائیوں نے نئی جرسی کے لیے مشورہ دینا شروع کر دیا ہے۔ کوئی پرانی اسکائی بلو رنگ کی جرسی کا مطالبہ کر رہا ہے تو کوئی کہہ رہا ہے کہ اس بار وہی جرسی ہوگی جو 2007 میں ہوئے پہلے ٹی-20 عالمی کپ میں تھی۔
بہرحال، ٹی-20 عالمی کپ کی شروعات 22 اکتوبر کو آسٹریلیا اور نیوزی لینڈ میچ کے ساتھ ہوگی۔ یہ میچ سڈنی کرکٹ گراؤنڈ پر کھیلا جائے گا۔ حالانکہ اس سے پہلے 16 سے 21 اکتوبر کے درمیان کوالیفائنگ میچ بھی کھیلے جائیں گے۔ ہندوستانی ٹیم یہاں اپنا پہلا مقابلہ 23 اکتوبر کو پاکستان کے خلاف کھیلے گی۔
