پٹنہ، 28 فروری 2025 وزیر اعلیٰ جناب نتیش کمار آج ہندوستانی عوام مورچہ (سیکولر) کے ذریعہ گاندھی میدان میں منعقدہ ‘دلت سماگم’ میں شریک ہوئے۔ اس موقع پر ہندوستانی عوام مورچہ (سیکولر) کے سرپرست اورمرکزی مائیکرو، چھوٹے اور درمیانی صنعت کے مرکزی وزیر جناب جیتن رام مانجھی نے وزیر اعلیٰ جناب نتیش کمار کا استقبال کیا، اس کے علاوہ ہندوستانی عوام مورچہ (سیکولر)کے قومی صدر اور چھوٹے آبی وسائل کے وزیر جناب سنتوش کمار سمن نے وزیر اعلیٰ کوشال اور گلدستہ پیش کر کے ان کا خیر مقدم کیا۔
ہندوستانی عوام مورچہ (سیکولر) کووزیر اعلیٰ نے اس پروگرام کے انعقاد کے لیے مبارکباد دی اور نیک خواہشات کا اظہار کیا۔ اس کے علاوہ وہاں موجود کارکنوں سے خطاب کرتے ہوئے انہوں نے کہا کہ آپ سب یہاں اس پروگرام میں شرکت کے لیے آئے ہیں۔ میں آپ سب کو مبارکباد اورخیر مقدم کر تا ہوں۔
اس موقع پر ہندوستانی عوام مورچہ (سیکولر) کے سرپرست اور مرکزی وزیر برائے مائیکرو،چھوٹی اور درمیانی صنعت جناب جیتن رام مانجھی، آبی وسائل کے وزیرجناب وجے کمار چودھری، ہندوستانی عوام مورچہ (سیکولر) کے ریاستی صدر اور رکن اسمبلی جناب انیل کمار سمیت پارٹی عہدیدار اور کارکنان موجود تھے۔
