دیوبند، ایک تیزرفتار ٹرک کی زد میں آکر 102ایمبولینس بری طرح ٹوٹ پھوٹ گئی اور اس میں سوار گاڑی کا انچارج ڈرائیور او ر معاون ڈرائیور شدید طورپر زخمی ہوگئے ۔ جنہیں ابتدائی میڈیکل ایڈ دینے کے بعد سرکا ری ھاسپتل سے ہائر سینٹر ریفر کردیا گیا۔موصولہ اطلاع کے مطابق بدھ کے روز ناگل سرکاری اسپتال کی ڈائل 102 ایمبولنس کسی مریض کو لینے کے لئے کھیڑہ مغل علاقہ کے گاؤں بلاس پور جارہی تھی لیکن جیسے ہی ایمبولنس اسٹیٹ ہائی وے پر واقع تھانہ ناگل کے کھجور والا گاؤں کے قریب پہنچی تو دوسری سمت سے آنے والے ایک تیزرفتارٹرک نے ایمبولنس میںزبردست طریقہ سے ٹکر ماردی جس کے نتیجے میںایمبولنس میں سوار ڈائل 102 کے انچارج جتیندر کمار ،ڈرائیور اوم ویر اور معاون ڈرائیورومل کمار شدید طور پر زخمی ہوگئے اور ایمبولینس بھی بری طرح ٹوٹ پھوٹ گئی ۔ اطلاع ملتے ہی پولس موقع پہنچ گئی اور اس میں زخمیوں کو علاج کے لئے اسپتال میں داخل کرایا ، لیکن ڈاکٹروں نے ابتدائی میڈیکل ایڈ دینے کے بعد ہائر سینٹر ریفر کردیا ، پولس کا کہنا ہے کہ وہ ٹرک اور اس کے ڈرائیور کو تلاش کرہی ہے ۔ دوسری جانب کوتوالی انچارج کا کہناہے کہ تحریر ملنے کے بعد کارروائی کیجائی گی ۔
