جامعہ ملیہ اسلامیہ کی بارہویں اور دسویںجماعت کے امتحانات میںلڑکیوں نے بازی ماری

نئی دہلی، پریس ریلیز،ہماراسماج: بارہویں جماعت (ریگولر) کے سائنس،آرٹس اور کامرس کے بورڈ امتحان کے نتائج کا اعلان کردیاہے۔ تینوں شاخوں میں طالبات نے بازی ماری ہے۔تینوں شاخوں میں جن طلبا کی تعیین قدر ہوئی ان میں سینتالیس اعشاریہ دو ایک لڑکے اور باون اعشاریہ سات نو لڑکیاں تھیں۔سائنس میں رمیسا تحسین نے چورانوے فی صد نمبرات کے ساتھ سرفہرست رہیں ۔علی خان اور محمد ایشال علی الترتیب تیروانویں اعشاریہ آٹھ فی صد اور تیرانویں اعشاریہ چار فی صد نمبرات کے ساتھ دوسرے اور تیسرے مقام پر رہے۔آرٹس میں ثانیہ ناہید نے پنچانویں اعشاریہ آٹھ فی صد نمبرات کے ساتھ پہلی رینک حاصل کی جب کہ حمیرہ نشاط نے پنچانویں اعشاریہ چار فی صد نمبرات کے ساتھ دوسرا مقام حاصل کیا۔ثانیہ منت مجمدار اور شاہینہ پروین نے پنچانویں اعشاریہ دو فی صد نمبرات کے ساتھ مشترکہ طورپر تیسری پوزیشن پر رہیں۔کامرس میں اسما انور نے تیرانویں اعشاریہ چار فی صد کے ساتھ پہلی پوزیشن حاصل کی اور فضا خان نے بانویں اعشاریہ آٹھ فی صد نمبرات کے ساتھ دوسری اور شفا انجم نے بانویں اعشاریہ چار فی صد نمبرات کے ساتھ تیسرے مقام پر رہیں۔سائنس میںکامیاب ہونے والے طلبا کا مجموعی فی صد پنچانویںاعشاریہ چھے نو فی صدتھا جب کہ آرٹس اور کامرس میں یہ علی الترتیب چھیانویں اعشاریہ ایک تین فی صد اور ستر اعشاریہ تین سات فی صد تھا۔ سائنس میں کل سنتانویں لڑکوں اور ایک سو پندرہ لڑکیوں نے امتیازی نمبرات کے ساتھ فرسٹ ڈویژن حاصل کیا جب کہ لڑکوں اور لڑکیوں سمیت دوسو نو طلبا سادہ فرسٹ ڈویژن سے کامیاب ہوئے۔آرٹس میں اکتالیس لڑکوں اور ایک سو نو لڑکیوں نے امتیازی نمبرات کے ساتھ فرسٹ ڈویژن حاصل کیا جب کہ اکتالیس طلبا سادہ فرسٹ ڈویژن حاصل کرنے میں کامیاب ہوئے۔کامرس میں اکیس لڑکوں اور اکتیس لڑکیوں نے امتیازی نمبرات کے ساتھ فرسٹ ڈویژن حاصل کیا جب کہ انتالیس طلبا نے سادہ فرسٹ ڈویژن حاصل کرنے میں کامیابی حاصل کی ۔اس سے پیش تر جامعہ کنٹرولر آف امتحانات نے دسویں جماعت (ریگولر ) کے نتائج کا اعلان کیا تھا جس میں کل سنتانویں اعشاریہ سات پانچ فی صد طلبا امتحان میں کامیاب ہوئے تھے۔جن طلبا کی تعیین قدر ہوئی ان میں تقریبا اڑتالیس اعشاریہ چھے دو لڑکے تھے اور اکیاون اعشاریہ تین آٹھ لڑکیاں تھیں۔دسویں جماعت کے نتائج جامعہ کی ویب سائٹ http://jmicoe.inپر دیکھے جاسکتے ہیںطالبات نیمیرٹ لسٹ میں تینوں پہلی پوزیشن حاصل کی ہے۔صائمہ رضوی سنتاویں اعشاریہ سات ایک فی صد نمبرات کے ساتھ سرفہرست ہیں۔ سہانا چودھری اور زینت نسیم نے سنتانویں اعشاریہ چار دو فی صد نمبرات کے ساتھ مشترکہ طورپر دوسری پوزیشن حاصل کی ہے جب کہ عالیہ انجم نے سنتاویں اعشاریہ ایک چار فی صد نمبرات کے ساتھ تیسری پوزیشن پر رہیں۔کل چارسو دس طلبا نے امتیازی نمبرات کے ساتھ فرسٹ ڈویژن حاصل کی اور ایک سو چودہ طلبا نے سادہ فرسٹ ڈویژن حاصل کی۔چارسو دس امتیازی نمبرات کے ساتھ فرسٹ ڈویژن حاصل کرنے والے طلبا میں دو سو اڑتیس لڑکیاں اور ایک سو بہتر لڑکے تھے۔پروفیسر اقبال حسین ،قائم مقام شیخ الجامعہ ،جامعہ ملیہ اسلامیہ نے ٹاپرز کو مبارک باد دی اور ان کے تانباک مستقبل کے لیے نیک خواہشات کا اظہار کیا۔انھوںنے کہاکہ جو طلبا چند نمبرات کی وجہ سے ٹاپ پوزیشن حاصل نہیں کرسکے انھیں دل برداشتہ نہیں ہونا چاہیے۔