ریا ض :سعودی عرب کی جانب سے غزہ کی پٹی میں جنگ کے متاثرین کے لیے فضائی امدادی پل کے پروگرام کے تحت 43 واں امدادی طیارہ ادویات اور خوراک پر مشتمل سامان کی کھیپ لےکرمصر کے العریش بین الاقوامی ہوائی اڈے پر اترگیا ہے۔امدادی طیارہ کنگ سلمان ریلیف سینٹر کی طرف سے وزارت دفاع کے تعاون سے بھیجا گیا ہے جو کل جمعے کو عرب جمہوریہ مصر کے العریش بین الاقوامی ہوائی اڈے پر پہنچا۔ جہاز میں طبی سامان، خوراک اور پناہ گاہ کا سامان تھا۔ سعودی عرب سے آئے اس امدادی سامان کو غزہ کی پٹی کی طرف بھیجنے کی تیاریاں کی جا رہی ہیں۔یہ امداد مملکت سعودی عرب کی طرف سے بحرانوں اور مشکلات کا شکار فلسطینی قوم کی مدد کے لیے کی جانے والی کوششوں کا حصہ ہے۔
