پٹنہ، بہار میں مختلف شعبوں میں کام کرنے والی تین نجی کمپنیوں کی 276.82 کروڑ روپے کی سرمایہ کاری کی تجاویز کو آج منظوری ملنے سے ریاست کی صنعتی ترقی کے ساتھ ساتھ سینکڑوں لوگوں کو روزگار بھی ملے گا۔ ایڈیشنل چیف سکریٹری، کابینہ سیکریٹریٹ محکمہ، ڈاکٹر ایس۔ سدھارتھ نے منگل کو یہاںوزیراعلیٰ منسٹر نتیش کمار کی زیر صدارت کابینہ کی میٹنگ کے بعد پریس کانفرنس میں کہا کہ حکومت نے اس تجویز کو منظوری دے دی ہے ۔ ڈاکٹر سدھارتھ نے بتایا کہ میسرس جے دیال ہائی ٹیکس پرائیویٹ لمیٹڈ، کیمور کو تکنیکی ٹیکسٹائل مینوفیکچرنگ میں صلاحیت بڑھانے کے لیے 44 کروڑ 28 لاکھ 20 ہزار روپے کی نجی سرمایہ کاری کی منظوری دی گئی ہے ۔ انہوں نے کہا کہ اس یونٹ کے قیام کے بعد کل 112 ہنر مند اور غیر ہنر مند کارکنوں کو ریاست میں سرمایہ کاری کے ساتھ ساتھ روزگار بھی ملے گا۔ ایڈیشنل چیف سکریٹری نے بتایا کہ میسرس پٹیل ایگری انڈسٹریز پرائیویٹ لمیٹڈ، نالندہ کو اناج پر مبنی ایتھنول پروڈکشن یونٹ کے قیام کے لیے 96 کروڑ 92 لاکھ روپے کی سرمایہ کاری کی منظوری دی گئی ہے ۔ اس یونٹ کے قیام سے 103 ہنر مند اور غیر ہنر مند کارکنوں کو روزگار ملے گا۔ انہوں نے کہا کہ میسرس بھارت ارجا ڈسٹلریز پرائیویٹ لمیٹڈ، مظفر پور کو روزانہ 100 کیلو لیٹر ایتھنول پیدواری یونٹ کے قیام کیلئے 135 کروڑ 62 لاکھ روپے کے سرمایہ کاری کی تجویز منظور کی گئی ہے ۔ اس سے 100 افراد کو روزگار ملے گا۔ اس طرح ان یونٹس کے قیام سے ریاست میں کل 276.82 کروڑ روپے کی نجی سرمایہ کاری ہوگی۔
