ناظم بیگ
بلند شہر، سماج نیوز سروس: بلند شہر میں شراب کی غیر قانونی اسمگلنگ کے خلاف چلائی جارہی مہم کے تحت پولیس نے بڑی کارروائی کی ہے۔ تھانہ ارنیا پولیس اور سواٹ ٹیم (دیہی) نے مشترکہ کارروائی کرتے ہوئے دو اسمگلروں کو 6,650 لیٹر غیر قانونی شراب کے ساتھ گرفتار کر نے میں کا میا بی حاصل کی ہے۔ پولیس کے ذیعے ضبط کی گئی چار برانڈ کی شراب کی تخمینہ مالیت 50 لاکھ روپے سے زائد بتا ئی گئی ہے۔سا تھ ہی اسمگلنگ میں استعمال ہونے والے ٹرک اور دو موبا ئل فون بھی بر آمد کیے ہیں ۔ بلند شہر ایس ایس پی کی ہدایات پر ضلع میں چلائی جارہی مہم کے تحت 31جنوری کی شب تھانہ ارنیا پولیس اور سواٹ ٹیم کے ذریعے مان گڑھی مندر پہائو ٹی چوکی کے پاس چیکنگ کے دوران ایک اطلاع کی بنیاد پر ایک ٹرک کو روکا گیا۔جب اس کی تلاشی لی گئی تو ٹرک میں مختلف برانڈکی غیر قانونی شراب کی 745پیٹیا ں بھری ہوئی تھیں ۔پولیس کے ذریعے ٹرک میں سوار دو افراد کو حراست میں لے کر پوچھ گچھ کی گئی تو ملزمان کی شنا خت سندیپ سنگھ ولد تیج سنگھ ساکن ککراڈ تھانہ تلیوال ضلع برنالا پنجاب اور سربجیت سنگھ ولد بھیندر سنگھ ساکن گائوں کھا سی کلا ں تھانہ جملہ پور ضلع لدھیانہ پنجاب کے طور پر کی گئی۔ ایس پی دیہات ڈاکٹر تیج ویر سنگھ کے مطا بق پولیس کی تفتیش میں انکشاف ہوا ہے کہ اسمگلر پولیس کو گمراہ کرنے کے لیے شراب کی پیٹیوں کو ٹرک میں چاول کی بوریوںکے بیچ میں چھپاکر لارہے تھے ۔ جس کی قیمت تقر یبا پچاس لاکھ روپے بتا ئی گئی ہے ۔ یہ غیر قانونی شراب پنجاب سے لا کر ریاست جھارکھنڈ کے مختلف مقامات پر سپلائی کی جا رہی تھی۔ پولیس اس معاملے میں ملوث دیگر ملزمان کے بارے میں معلومات اکٹھی کر رہی ہے۔ گرفتار ملزمان کو عدالت میں پیش کیا جا رہا ہے۔
