نئی دہلی،سماج نیوز سروس: صحافیوں سے خطاب کرتے ہوئے انیل بھردواج نے کہا کہ ہمارے معزز صحافی اور فوٹوگرافر دوست، ریاستی کانگریس کمیٹی کی جانب سے میں آپ سب کا خیر مقدم کرتا ہوں اور شکریہ ادا کرتا ہوں کہ آج ہماری دعوت پر آپ نے اس خصوصی پریس کانفرنس میں شرکت کے لیے وقت نکالا۔ آج پریس کانفرنس میں، ہماری خوش قسمتی ہے کہ ہمارا ایک لیڈر، ہندوستان کی ایک ایسی شخصیت ہے جو کسی تعارف کی محتاج نہیں اور کم از کم آپ سب کے لیے۔میں ان کے بارے میں کیا تعارف کراؤں، لیکن میں یہ کہہ سکتا ہوں کہ ماضی میں، میں نے اپنے مقبول رہنما راہل گاندھی جی کے ساتھ قدم بہ قدم چل کر کنیا کماری سے کشمیر اور شمال مشرقی ریاست منی پور تک تقریباً 4000 کلومیٹر کا فاصلہ طے کیا۔ ممبئی سے ممبئی تک کا 6000 کلومیٹر سے زیادہ کا سفر بھی مکمل کیا اور ایک بہت بڑا تجربہ کیا کہ اس ملک کے لوگ کس طرح کی زندگی بسر کرتے ہیں، آج لوگ کس طرح کے مسائل سے دوچار ہیں، ان حکومتوں سے وہ کس طرح پریشان اور شکست خوردہ ہیں۔ ہمارے محترم جنرل سکریٹری انچارج میڈیا، کمیونیکیشن اے آئی سی سی محترم جے رام رمیش سر سے پریس کانفرنس شروع کرنے کی درخواست کریں گے۔ جے رام رمیش نے کہا شکریہ انیل۔ سب سے پہلے، آپ سوچ رہے ہوں گے کہ میں یہ پریس کانفرنس ڈی پی سی سی میں کیوں کر رہا ہوں۔ اس لیے میں آپ کو پہلے ہی بتا دیتا ہوں کہ یہ پریس کانفرنس دہلی انتخابات کے تناظر میں ہے اور صرف ماحولیات سے متعلق مسائل پر ہے۔ اسی لیے مجھے آنے کے لیے کہا گیا، کیونکہ یہ دہلی کے لیے، دہلی کے لوگوں کے لیے بہت سنگین مسئلہ ہے۔ ماحولیات سے لے کر چار پانچ ایشوز جو زیر بحث رہے ہیں، بحث ہوتی رہتی ہے، اس پر کانگریس کا نظریہ اور سوچ کیا ہے۔میں یہاں دہلی کی سیاست پر بات کرنے نہیں آیا ہوں۔ آپ کے پاس جو بھی سوالات ہیں، وہ ہمارے انل بھردواج جی سے پوچھیں، دیویندر یادو جی سے پوچھیں، ہمارے دیپک بابریا سے پوچھیں۔ میں صرف ماحولیات پر بات کروں گا، میری پریس کانفرنس صرف ماحول تک محدود رہے گی۔ سب سے پہلے، میں یہ کہہ کر شروعات کروں گا کہ لوک سبھا انتخابات کے چار مراحل ہو چکے ہیں، 379 سیٹوں پر الیکشن ہو چکے ہیں اور 25 تاریخ کو دہلی کی 7 سیٹوں پر الیکشن ہونے جا رہے ہیں۔
