واشنگٹن (ہ س)۔ امریکی ڈائریکٹر آف نیشنل انٹیلی جنس تلسی گبارڈ نے بدھ کے روز سابق سینیٹر رابرٹ ایف کینیڈی کے قتل سے متعلق تقریباً 60,000 فائلوں کو عوامی کرنے کا اعلان کیا۔ کینیڈی کو 1968 میں قتل کر دیا گیا تھا۔اے بی سی نیوز کے مطابق تلسی گبارڈ نے کہا کہ یہ گزشتہ ماہ جاری ہونے والی تقریباً 10,000 فائلوں کے علاوہ ہے۔ انہوں نے کہا کہ 10,000 فائلوں سے پتہ چلتا ہے کہ غیر ملکی سرزمین پر یہ افواہیں پھیلائی جا رہی تھیں کہ کینیڈی کو ان کے قتل کی تاریخ سے ایک ماہ قبل گولی مار دی گئی تھی۔ گبارڈ کے مطابق، حال ہی میں جاری کی گئی فائلیں کئی دہائیوں سے وفاقی حکومت کے شیلف میں پڑی ہوئی تھیں۔ انہیں پہلے کبھی بھی ڈیجیٹائز نہیں کیا گیا اور نہ ہی عوام کے لیے قابل رسائی بنایا گیا۔انہوں نے کہا کہ اب تک جو فائلیں منظر عام پر آئی ہیں، ان میں لاس اینجلس پولیس کی کینیڈی کے قاتل اور عینی شاہدین کے انٹرویوز کی ریکارڈنگز شامل ہیں۔ پہلے سے جاری کردہ فائلوں کے ساتھ archives.gov/rfk پر اضافی فائلیں اپ لوڈ ہوتی رہیں گی۔قابل ذکر ہے کہ سابق سینیٹر رابرٹ ایف کینیڈی کا قتل تاحال معمہ بنا ہوا ہے۔ صدر ڈونلڈ ٹرمپ نے اقتدار میں آتے ہی رابرٹ کینیڈی کے قتل سے متعلق دستاویزات کو عام کرنے کا وعدہ کیا تھا۔ نیشنل انٹیلی جنس کی ڈائریکٹر تلسی گبارڈ کا خیال ہے کہ رابرٹ ایف کینیڈی کے قتل کے تقریباً 60 سال بعد امریکی عوام کو پہلی بار صدر ٹرمپ کی قیادت میں وفاقی حکومت کی تحقیقات کا جائزہ لینے کا موقع ملا ہے۔
