سید پرویز قیصر
ایشیا کپ2025 میں سپر چار کا پہلا میچ سری لنکا اور بنگلہ دیش کے درمیان دوبئی کے انتڑ نیشنل کرکٹ اسٹیڈیم میں ہفتہ (20 ستمبر) کو کھیلا جائے گا۔ بنگلہ دیش نے گروپ بی میں دوسرا مقام حاصل کرنے کے بعد سپر چار میں جگہ بنائی ہے جبکہ سری لنکا اسی گروپ میں پہلا مقام حاصل کرنے میں کامیاب رہی تھی۔ ہندوستان اور پاکستان سپر چار میں داخلہ ہونے والی دوسری دو ٹیمیں ہیں۔
سری لنکا اور بنگلہ دیش کے درمیان یہ22 واں ٹونٹی ٹونٹی بین الاقوامی میچ اورایشیا کپ میں چوتھا ٹونٹی ٹونٹی بین الاقوامی میچ ہوگا۔ دونوں کے درمیان جو21 ٹونٹی ٹونٹی بین الاقوامی میچ ابھی تک کھیلے گئے ہیں اس میں تیرہ میں سری لنکا نے اور آٹھ میں بنگلہ دیش نے کامیابی حاصل کی ہے۔ ایشیا کپ میںدونوں کے درمیان جو تین ٹونٹی ٹونٹی بین الاقوامی میچ ہوئے ہیں جس میں سری لنکا نے دو میں کامیابی اپنے نام کی ہے جبکہ بنگلہ دیش نے ایک میں کامیابی حاصل کی ہے۔ ان دونوں ٹیموں کے ما بین جو آخری پانچ ٹونٹی ٹونٹی بین الاقوامی میچ کھیلے گئے ہین اس سے دومیں سری لنکا نے کامیابی حاصل کی ہے اور بنگلہ دیش نے تین میچ جیتے ہیں۔
موجودہ ایشیا کپ میں لیگ میں دونوں کے درمیان جب مقابلہ ہوا تھا تو سری لنکا نے بنگلہ دیش کو چھ وکٹ سے شکست دی تھی۔ ابوظبہی میں 13 ستمبر2025 کو ہوئے اس میچ میں ٹاس ہارنے کے بعد پہلے بلے بازی کرتے ہوئے بنگلہ دیش نے مقررہ 20 اوور میںپانچ وکٹ پر139 رن بنائے تھے۔زاکر علی67 منٹ میں34 بالوں پر دو چوکوں کی مدد سے41 رن بناکر ناٹ آوٹ رہے تھے۔ سری لنکا نے 14.4 اوور میں چار وکٹ پر140 رن بناکر میچ جیتا تھا۔ کامل مشتارا63 منٹ میں32 بالوں پر چار چوکوں اور دو چھکوں کی مدد سے آوٹ ہوئے بغیر46 رن بنائے تھے اانہیں مین آف دی میچ ایواڑڈ ملا تھا۔
سری لنکا کا بنگلہ دیش کے خلاف سب سے زیادہ اسکور20 اوور میں چھ وکٹ پر214 رن ہے جو اس نے کولمبو میں10 مارچ2018 کو بنایا تھا۔ اسی میچ میں بعد میں بلے بازی کرتے ہوئے بنگلہ دیش نے 19.4 اوور میں پانچ وکٹ پر 215 رن بنائے تھے جو اس کا سری لنکا کے خلاف سب سے زیادہ اسکور ہے۔
بنگلہ دیش کی پوری ٹیم جوہانسبرگ میں18 ستمبر2007 کو ہوئے میچ میں15.5 اوور میں83 رن بناکر آوٹ ہوئی تھی جو اس کا سری لنکا کے خلاف سب سے کم اسکور ہے۔ سری لنکا کا بنگلہ دیش کے خلاف سب سے کم اسکور15.2 اوور میں 94رن ہے جو اس نے دمبولا میں13 جولائی 2025 کو بنایا تھا۔
سلہٹ میں 9 مارچ 2024کو ہوئے میچ میں کوسل مینڈس نے55 بالوں پرچھ چوکوں اور اتنے ہی چھکوں کی مدد سے 86 رن بنائے جو سری لنکا کی جانب سے بنگلہ دیش کے خلاف سب سے بڑا انفرادی اسکور ہے۔بنگلہ دیش کی جانب سے سری لنکا کے خلاف سب سے بڑا اسکور بنانے کا اعزاز شبیر رحمان کے پاس ہے جنہوں نے میر پور، ڈھاکہ میں28 فروری2016 کو ہوئے میچ میں65 منٹ میں54 بالوں پر دس چوکوں اور تین چھکوں کی مدد سے80 رن بنائے تھے۔
مہدی حسن نے کولمبو میں 16 جولائی2025 کو ہوئے میچ میںچاروور میں 11رن دیکر چار کھلاڑیوں کو آوٹ کیا تھا جو بنگلہ دیش کی جانب سے سری لنکا کے خلاف سب سے اچھی بالنگ کارکردگی ہے۔ سری لنکا کی جانب سے بنگلہ دیش کے خلاف سب سے اچھی بالنگ کا ریکارڈ نوان تشارا کے پاس ہے جنہوں نے سلہٹ میں9 مارچ2024 کو ہوئے میچ میںچار اوور میں20 رن دیکر پانچ کھلاڑیوں کو آوٹ کیا تھا۔
