اے این ایم نرسنگ کورس میں داخلہ جاری
نئی دہلی ،6جون پریس ریلیز؍ہماراسماج: جامعہ نگرواقع وژن 2026 کے ISTC سینٹر نے ایک سالہ اے این ایم نرسنگ کورس میں داخلے کا اعلان کر دیا ہے ، دسویں پاس طلبا یکم جون سے 15 جولائی تک آن لائن www.istcenter.in رجسٹر سکتے ہیں ۔پروگرام کو آرڈینٹرمحمد ابوذرنے بتایا کہ داخلہ کی کارروائی مکمل ہونے کے بعد کلاسیز 15 جولائی کے بعد شروع ہو جائیں گی ۔ سبھی طلبا کو الشفا ہاسپٹل میں 3 ماہ کی عملی ٹریننگ بھی دی جائے گی ۔انہوں نے مزید بتایا کہ گزشتہ سات برس میں ISTC سینٹر سے نرسنگ کی ٹریننگ لیکر 200 سے زائد بچے مختلف اسپتالوں میں کام کر رہے ہیں ۔ تعلیمی سال 2023-24 کے لیے نرسنگ میں 35 سیٹوں پرداخلہ ہوگا ۔ انہوں نے مزید بتایا کہ اسایک سالہ کورس کو کرنے والے طلبا کے لیے صحت کے میدان میں بے شمارمواقع ہیں۔ 50 فیصد بچے برسر روزگار ہوگئے ہیں بقیہ بھی رفتہ رفتہ میدان میں اپنی جگہ بنانے میں کامیاب ہوجائیں گے ۔وژن 2026 کا سماج کے سبھی طبقوں کو یکساں مواقع فراہم کرتا ہے ،اس پروگرام میں بھی سبھی طبقات کے بچے بلا تفریق مذہب داخلہ لے سکتے ہیں ۔
