کليۃ النجاح للبنات، بالاپور میں تقسیم اسناد اور سالانہ انجمن کامیابی کے ساتھ اختتام پذیر

بلرام پور، کلیۃ النجاح للبنات، بالاپور جروا، بلرام پور یو پی میں زیر تعلیم طلبہ و طالبات کا سالانہ انجمن اور تقریب تقسیم اسناد کاانعقاد کیا گیا جس کی صدارت مولانا ابواسامہ منصور احمدمدنی مہتمم کلیۃ النجاح للبنات، بالاپور جروا،بلرام پورنے کی اور فریضہ نظامت مولانا محمد ابراہیم سنابلی نے نبھائی،مولانا فیروز احمد سراجی پرنسپل كلیۃ النجاح

للبنات نے بتایا کہ الحمد للہ! اس علمی وثقافتی پروگرام میں طلبہ و طالبات نے پر سوز آواز میں نصحیت آموز نظمیں ،اردو، عربی، ہندی اور انگلش زبانوں میں تقریر یں پیش کیں۔ اس کے علاوہ دینی و اصلاحی تمثیلچےاور مکالمے بھی پیش کئے۔ پہلی نششت میں حکم کی ذمہ داری مولانا جمال احمد اثری، مولانا نثار احمد محمدی، مولانا یوسف اور دوسری نششت میں مولانا تنویرثاقب فیضی، مولانا عبد الحمید سنابلی،اور مولانا سراج احمد فیضی نے بحسن وخوبی انجام دئے،اس پروگرام میں ان طالبات کو عالمیت اور فضیلت کی سندیں بھی تقسیم کی گئیں جو یہاں سے فارغ ہو چکی تھیں، عالمیت کی سند مولانا خلیل احمد یوسفی کی اہلیہ اور فضیلت کی سند عبد الکریم ٹھیکیدار کی اہلیہ کے بدست دیا گیااس کے بعد صدر مجلس کا مختصر توجیہی ونصیحتی صدارتی خطاب ہوا اور تمام شرکاء طلبہ و طالبات کو انعامات سے نوازا گیا اس طرح یہ پروگرام بحسن وخوبی اختتام پزیر ہوا،پروگرام کو کامیابی سے ہم کنار کرنے میں کلیہ کے ذمہ داران،طلبہ کے علاوہ دوسرے معاونین نے اپنی بے لوث خدمات پیش کیں،مہمان خصوصی کے طور پر حاجی محمود الحق صاحب کی تشریف آوری ہوئی تھی، خواتین کی ایک بڑی تعداد نے شرکت فرمائی اور اپنی پسندیدگی کا اظہار بھی کیا۔ اللہ تمام حاضرین و حضرات کی کاوشوں کو قبول فرمائے، آمین