ناظم بیگ
بلند شہر ،سماج نیوز سروس: ایران کے سپریم لیڈر آیت اللہ علی خامنہ ای کے انتقال کے بعد بلند شہر میں شیعہ برادری کے لوگوں نے ایران کے سپریم لیڈر آیت اللہ علی خامنہ ای کی وفات پر سوگ منایا۔شیعہ کمیونٹی کے بڑی تعداد میں لوگ ہاتھوں میں موم بتیا ں او ر علی خامنہ ای کی تصا ویر ہاتھوں میں لیے امام باڑہ میں جمع ہوئے، انہوں نے امریکہ اور اسرائیل کے خلاف جم کرنعرے بازی کی ۔ احتجاج میں شا مل شیعہ کمیونٹی کے لوگوں نے کہا کہ آیت اللہ علی خامنہ ای کی موت اسرائیل اور امریکا کی مشترکہ کارروائی میں ہوئی ہے۔ اس واقعے کے بعد ایران سمیت دنیا بھر میں لوگ سڑکوں پر نکل آئے اور ’امریکہ مردہ باد‘ اور ’مرگ بر اسرائیل‘ کے نعرے لگائے۔ مظاہرین نے جوابی کارروائی کا مطالبہ بھی کیا۔بلندشہر میں ہزاروں شیعہ حضرات بھی خامنہ ای کی موت کے خلاف احتجاج کے لیے سڑکوں پر نکل آئے۔ مظاہرین نے ’’خمینی زندہ باد‘‘ اور ’’امریکہ اور اسرائیل مردہ باد‘‘ کے نعرے لگائے۔ دوران احتجاج مرد اور عورت دونوں ہی ماتم کرتے نظر آئے۔ضلع میں مظاہروں کے پیش نظر پولیس کی طر ف سے پورے علاقے میں ہائی الرٹ جاری کر دیاگیا۔ سینئر سپرنٹنڈنٹ آف پولیس ایس ایس پی د نیش کمار سنگھ نے ایک میٹنگ میں افسران کو احتیاط برتنے کی ہدایت دی۔انہوں نے کہا کہ بڑی شیعہ آبادی والے اضلاع میں خصوصی چوکسی برقرار رکھی جا رہی ہے اور پولیس کو مسلسل نگرانی رکھنے کی ہدایت دی گئی ہے۔ کسی بھی ناخوشگوار واقعے کو روکنے کے لیے احتجاجی مقامات پر پولیس کی بھاری نفری تعینات کی گئی ہے۔
