تمام بدعنوان لوگ ایک ہو گئے ہیں: مودی

جموئی، (یواین آئی) وزیر اعظم نریندر مودی نے بیک وقت کانگریس اور راشٹریہ جنتا دل (آر جے ڈی) کو نشانہ بنایا اور عوام کو خبردار کیا کہ ملک کے تمام بدعنوان لوگ، جو ہمیشہ ایک دوسرے سے لڑتے رہتے تھے اب ان (مسٹر مودی) کے خلاف آج متحد ہو گئے ہیں۔ جمعرات کو یہاں بالو پور کھیرہ میں قومی جمہوری اتحاد (این ڈی اے ) کی انتخابی میٹنگ سے خطاب کرتے ہوئے مسٹرمودی نے کہا کہ ملک کے تمام بدعنوان لوگ، جو پہلے ایک دوسرے سے لڑتے تھے ، آج مودی کے خلاف متحد ہو گئے ہیں۔ انہوں نے اپوزیشن کو نشانہ بناتے ہوئے کہا کہ کہتے ہیں بدعنوانی ہٹاؤ لیکن وہ کہتے ہیں بدعنوانوں کو بچاؤ۔وزیر اعظم نے ‘نوکری کے بدلے زمین’ گھوٹالہ معاملے پر لالو خاندان پر سخت حملہ کیا اور کہا کہ جو لوگ غریب نوجوانوں کو ریلوے میں بھرتی کے نام پر زمین پر دستخط کرواتے ہیں وہ بہار کا کوئی بھلا نہیں کر سکیں گے ۔ انہوں نے کہا کہ بہار کے وزیر اعلیٰ نتیش کمار بھی ریلوے کے وزیر تھے ، لیکن آج تک کوئی شکایت موصول نہیں ہوئی۔ لیکن، ان لوگوں (لالو یادو) نے زمینیں چھین لیں۔ پہلے ریلوے کی حالت خراب تھی لیکن اب لوگ وندے بھارت میں سفر کر رہے ہیں۔