حیا جاوید
سرینگر،13؍ مئی،سماج نیوز سروس: کوئی بھی مذہب بُرا نہیں ہوتا، انسان بُرے ہوتے ہیں، کوئی مذہب یہ درس نہیں دیتا کہ کسی بے گناہ کو مارو، کوئی مذہب نہیں کہتا کہ کسی کا گھر جلائو ، کوئی مذہب نہیں سکھاتا کسی کے گھر کو لوٹو لیکن کے باوجود ملک میں اس وقت وزیرا عظم سمیت بھاجپا کے تمام لیڈران مسلمانوں کیخلاف زہر افشائی کرتے پھر رہے ہیں اور ہندوئوں میں خوف پیدا کرنے کی مذموم کوشش کررہے ہیں۔ان باتوں کا اظہار صدرِ نیشنل کانفرنس ڈاکٹر فاروق عبداللہ نے ضلع کپوارہ کے حلقہ انتخاب کرناہ میں چوکی بل کے مقام پر ایک چنائوی اجتماع سے خطاب کرتے ہوئے کیا۔ اس موقعے پر صوبائی صدر ناصر اسلم وانی، لیڈر خالد نجیب سہروردی، ایڈوکیٹ میر سیف اللہ، قیصر جمشید لون، دین محمد چیتا اور ڈی ڈی سی ممبران بھی موجود تھے۔ڈاکٹر فاروق عبداللہ نے کہا کہ مودی جی یہ بھول گئے ہیں کہ وہ پورے ملک اور تمام مذاہب سے تعلق رکھنے والے لوگوں کے وزیر اعظم ہیں اور اسی لئے آج کل وہ مسلمانوں کیخلاف کھلم کھلا زہرافشائی کرتے پھر رہے ہیں۔ یہ لوگ چاہتے ہیں کہ یہاں ایک ہی مذہب رہے اور باقی مذاہب ان کے تابع رہے، یہی ہم کو بولے کہ آپ کے کھائوگے، آپ کے پہنو گے، آپ کیسے نماز پڑھو گے اور آپ کس راستے پر چلو گے۔ یہ لوگ بھول جاتے ہیں کہ ہندوستان ایک سیکولر ملک ہے اور جموںوکشمیر نے ایک ایسے ہندوستان کیساتھ الحاق کیا ہے، جہاں ہر ایک مذہب سے تعلق رکھنے والے لوگوں اپنی مذہبی آزادی حاصل ہے۔
