پیرس (یو این آئی) ہندوستانی پہلوان امن سہراوت نے پیرس اولمپکس میں مردوں کے 57 کلوگرام فری اسٹائل راؤنڈ آف 16 باوٹ میں شمالی مقدونیہ کے ولادیمیر ایگوروف کو 10-0 سے شکست دے کر کوارٹر فائنل میں داخلہ حاصل کر لیا۔امن نے دوسرے پیریڈ سے دو منٹ قبل تکنیکی برتری کی بنیاد پر اپنا پہلا میچ جیت کر کوارٹر فائنل میں جگہ پکی کی۔ امن اب اپنے اگلے میچ میں البانیہ کے عالمی چیمپئن پہلوان زیلمخان اباکاروف سے ٹکرائیں گے۔اگر امن فائنل میں پہنچ جاتے ہیں تو ایگوروف ریپیچج راؤنڈ میں جگہ بنا سکتے ہیں۔
