ناظم بیگ
بلند شہر 6؍ مارچ ،سماج نیوز سروس: سکندرآباد کوتوالی علاقے میں تین روز قبل جیور روڈ پر ہوئے قتل معا ملے میں فرار چل رہے بد معاش سے کوتوالی پولیس کی مڈبھیڑ ہوگئی ۔جس میں با ئک سوار بد معاش ٹانگ میں گولی لگنے سے زخمی ہوگیا ۔اسے علاج کے لیے اسپتال میں داخل کرایا گیا ہے ۔ اس کا ایک ساتھی فرار ہونے میں کامیا ب رہا جس کی تلا ش جاری ہے ۔ بد معاش کے قبضے سے آلۂ قتل پستول مع کارتوس اور چوری شدہ موٹر سائیکل بر آمد ہوئی ہے ۔ وا ضح رہے کہ ہولی کے مو قع پر یعنی 3مارچ کو سکندرآباد کوتوالی علاقے میں جیور روڈ پروا قع چامنڈمندر کے پاس جولی گائوں کے رہنے والے انل بھاٹی کا گولی مار کر قتل کردیا گیا تھا ۔ملزمان کی گرفتاری کے لیے اہل خانہ اورباشندگان نے پولیس کو کیس کے جلد خلا صے کے لیے الٹی میٹم دیا تھا ۔پولیس نے سواٹ ٹیم اور تکنیکی ذرائع کااستعمال کرکے واردات میں شا مل ایک ملزم دیپک ولد کشن پال ساکن گائوں جولی تھانہ سکندرآباد کو سنت پورہ بمبے کے پاس مڈبھیڑ کے دوران گرفتار کرنے میں کا میا بی حاصل کی ۔ سی او بھاسکرکمار مشرا نے بتایا کہ جمعرات کی شب کوتوالی انچارج انل کمار شاہی کی قیادت میں پولیس ٹیم علاقے میں گشت و چیکنگ پرمامور تھی کہ اسی دوران سنت پورہ نہر کی پٹری پر با ئک سوار دو مشکوک افراد کو آتا ہوا دیکھ کرانھیں رکنے کا اشارہ کیا تو با ئک سوار پولیس کودیکھ کر واپس بھاگنے لگے ۔پولیس کے پیچھا کرنے پر کچھ دور جانے کے بعد بد معاشو ں کی بائک پھسل کرگرگئی اور خود کو گھرا دیکھ کر انہوں نے پولیس ٹیم پر فا ئر نگ کردی ۔پولیس کی جوابی فا ئرنگ میں ایک بد معاش گولی لگنے سے زخمی ہوگیا جبکہ اس کا سا تھی پولیس کوچکمہ دے کرمو قع سے فرار ہونے میں کا میا ب رہا ،جس کی تلاش جاری ہے ۔
