نئی دہلی،(یو این آئی) ہندوستان نے خلیجی خطے میں تیل اور گیس کے کنوؤں اور آئل ریفائنریوں پر حملوں کو انتہائی تشویشناک قرار دیتے ہوئے کہا ہے کہ انہیں قبول نہیں کیا جا سکتا اور انہیں فوری طور پر بند کیا جانا چاہیے۔ وزارتِ خارجہ کے ترجمان رندھیر جیسوال نے گزشتہ چند دنوں میں خلیجی خطے میں توانائی کے بنیادی ڈھانچے (انفراسٹرکچر) پر ہونے والے حملوں کے حوالے سے میڈیا کے سوالات کے جواب میں جمعرات کو کہا کہ ہندوستان نے یہ تنازعہ شروع ہوتے ہی واضح کر دیا تھا کہ سویلین اور توانائی کے ٹھکانوں کو نشانہ نہیں بنایا جانا چاہیے۔انہوں نے کہا، ہندوستان نے پہلے ہی پورے خطے میں توانائی کی تنصیبات سمیت شہری بنیادی ڈھانچے کو نشانہ بنانے سے بچنے کی اپیل کی تھی۔ اس خطے کے مختلف مقامات پر توانائی کے مراکز پر حالیہ حملے انتہائی تشویشناک ہیں اور یہ پوری دنیا کے پہلے سے ہی غیر یقینی توانائی کے منظر نامے کو مزید غیر مستحکم کرتے ہیں۔ ایسے حملے ناقابلِ قبول ہیں اور انہیں فوری طور پر بند کیا جانا چاہیے۔”قابلِ ذکر ہے کہ خلیجی خطے میں گزشتہ چند دنوں کے دوران قطر، سعودی عرب، متحدہ عرب امارات اور ایران کے اہم توانائی کے ٹھکانوں پر میزائل اور ڈرون حملے کیے گئے ہیں۔دریں اثنا مشرق وسطیٰ میں جاری تنازعہ کے پیش نظر حکومت ہند نے جمعرات کے روز ایک نئی اسکیم کا آغاز کیا ہے جس کا نام ریزلیئنس اینڈ لاجسٹکس انٹروینشن فار ایکسپورٹ فیسیلیٹیشن رکھا گیا ہے۔ اس کا مقصد بحران کی وجہ سے مشکلات کےشکار ہندوستانی برآمد کنندگان کی مدد کرنا ہے۔ کامرس سکریٹری راجیش اگروال نے بتایا کہ یہ اسکیم حکومت کے وسیع تر ایکسپورٹ پروموشن مشن کا حصہ ہے اور اسے جغرافیائی سیاسی غیر یقینی صورتحال کے دوران برآمدات کے بہاؤ کو مستحکم کرنے کے لیے تیار کیا گیا ہے۔ مسٹر اگروال نے ریلیف کو ایک ٹارگیٹڈ سپورٹ پیکیج قرار دیتے ہوئے کہا کہ یہ بنیادی طور پر ان برآمد کنندگان، بالخصوص چھوٹی اور درمیانی صنعتوں کی مدد کرے گا جو جہاز رانی اور لاجسٹکس میں رکاوٹوں کی وجہ سے آپریشنل چیلنجز کا سامنا کر رہے ہیں۔ انہوں نے کہا کہ یہ اسکیم 17 سے 18 ایسے برآمداتی مقامات پر توجہ مرکوز کرے گی جو مغربی ایشیا اور خلیجی خطے کے بحران سے بری طرح متاثر ہوئی ہیں۔ اخراجاس کا مقصد بڑھتے ہوئے مال برداری کے اخراجات اور انشورنس پریمیم میں ہونے والے اضافے کے اثرات کو کم کرنا ہے۔ اس اقدام کے لیے فنڈز ایکسپورٹ پروموشن مشن کے موجودہ بجٹ سے حاصل کیے جائیں گے۔ حکومت نے برآمد کنندگان کے خدشات کو دور کرنے کے لیے ایک بین وزارتی گروپ بھی تشکیل دیا ہے، کیونکہ تجارتی راستوں میں رکاوٹیں اور ترسیل میں تاخیر ایک بڑا چیلنج بنی ہوئی ہے۔ یہ صورتحال گزشتہ ماہ ایران پر امریکہ اور اسرائیل کے مشترکہ حملے کے بعد پیدا ہوئی ہے، جس نے خطے میں جہاز رانی اور فضائی گزرگاہوں کو متاثر کیا ہے، جس کے نتیجے میں تیل کی قیمتوں اور لاجسٹکس کے اخراجات میں عالمی سطح پر اضافہ ہوا ہے۔ ڈائریکٹر جنرل آف فارن ٹریڈ، لاو اگروال نے بتایا کہ اس اسکیم کے لیے تقریباً 500 کروڑ روپے مختص کیے گئے ہیں اور یہ ایک مخصوص مدت کے لیے مداخلت ثابت ہوگی۔ سرکاری ملکیت والی ایکسپورٹ کریڈٹ گارنٹی کارپوریشن آف انڈیا اس ریلیف اسکیم کے لیے عمل درآمد کرنے والی ایجنسی کے طور پر کام کرے گی۔ ان کا کہنا تھا کہ اس اقدام سے برآمد کنندگان کو موجودہ رکاوٹوں سے نمٹنے اور غیر معمولی حالات” کے دوران سامان کی ترسیل کو برقرار رکھنے میں مدد ملے گی۔دریں اثنا حکومت نے مغربی ایشیا کے بحران کے سبب مال برداری اور انشورنس پریمیم میں اضافے سے متاثرہ برآمد کنندگان کی مدد کے لیے ایک نئی اسکیم شروع کی ہے، جسے ریلیف (Resistance and Logistics Intervention for Export Facilitation) کہا گیا ہے۔ اس اسکیم کے تحت برآمدی قرض انشورنس کے ذریعے سہولت فراہم کی جائے گی اور اس مقصد کے لیے تقریباً 500 کروڑ روپے مختص کیے گئے ہیں۔ یہ اسکیم ایکسپورٹ پروموشن مشن کے تحت لاگو کی جانے والی یہ اسکیم حکومت کی جانب سے بروقت اور ہدفی مداخلت ہوگی۔ ۔ وزارتِ تجارت و صنعت کے مطابق یہ اقدام اُن ہندوستانی برآمد کنندگان کو سہارا دینے کے لیے ہے جو غیر معمولی طور پر بڑھتے ہوئے فریٹ، انشورنس پریمیم اور خلیجی علاقے و وسیع مغربی ایشیا کے بحری راستوں میں رکاوٹوں کے سبب جنگی خطرات سے متاثر ہوئے ہیں۔ آبنائے ہرمز کے قریب بڑھتی ہوئی سلامتی کی تشویش کے باعث جہازوں کے راستے بدلنے پڑے ہیں، سفر طویل ہو گیا ہے، ٹرانس شپمنٹ مراکز پر بھیڑ بڑھ گئی ہے اور ہنگامی جنگی سرچارج بھی لگائے گئے ہیں۔
