میرپور، (یو این آئی) جارجیا ویرہم کی 57 رنز کی نصف سنچری اور گریس ہیرس کی 43 رنز کی شاندار اننگز کے بعد آسٹریلیا کی خواتین ٹیم نے ایشلے گارڈنر اور سوفی مولینو کی مہلک بولنگ کی بنیاد پر بنگلہ دیش کو دوسرے ٹی ٹوئنٹی میچ میں 54 رنز سے شکست دے دی۔ اس کے ساتھ ہی آسٹریلیا نے تین ٹیسٹ میچوں کی سیریز میں 2-0 کی برتری حاصل کر لی ہے۔
بنگلہ دیش کی ٹیم 168 رنز کے ہدف کے تعاقب میں 20 اوورز میں 9 وکٹوں پر صرف 103 رنز بنا سکی اور 54 رنز سے میچ ہار گئی۔ بنگلہ دیش کی اوپننگ بلے باز دلارا اختر نے ٹیم کی جانب سے 25 گیندوں پر سب سے زیادہ 27 رنز بنائے۔ شورنا اختر نے 17 گیندوں پر 21 رنز کی اننگز کھیلی۔ فاطمہ خاتون 15 رنز بنانے کے بعد آؤٹ ہوئیں، رابعہ خان 14 رنز بنا کر ناٹ آؤٹ رہیں۔ ان کے سات بلے بازوں کے اسکور دوہرے ہندسے سے بھی کم تھے۔ ایشلے گارڈنر نے 17 رنز کے عوض تین اور سوفی مولنیو نے 10 رنز کے عوض تین وکٹیں حاصل کیں۔ میگن شٹ نے دو بلے بازوں کو آؤٹ کیا اور جارجیا ویرہم نے ایک وکٹ حاصل کی۔آج ٹاس جیت کر پہلے بیٹنگ کرتے ہوئے آسٹریلیا نے جارجیا ویرہم کی 30 گیندوں میں 57 رنز کی نصف سنچری اور 34 گیندوں پر گریس ہیرس کی 43 رنز کی شاندار اننگز کی بنیاد پر آٹھ وکٹوں پر 168 رنز بنائے۔ ایلیس پیری نے 22 گیندوں پر 29 اور تالیا میک گرا نے 19 رنز بنائے۔ ان کے پانچ بلے باز دوہرے ہندسے تک بھی نہیں پہنچ سکے۔ بنگلہ دیش کی جانب سے فریحہ ترسنا نے چار وکٹیں حاصل کیں۔ ناہیدہ اختر اور فہیمہ خاتون نے دو دو وکٹیں حاصل کیں۔
