سید پرویز قیصر
باگپور میں کھیلے گئے پانچ ٹونٹی ٹونٹی بین الاقوامی میچوں کی سریز کے پہلے میچ میں ابھیشیک شرما نے شاندار بلے بازی کا مظاہرہ کرتے ہوئے59 منٹ میں35 بالوں پر پانچ چوکوں اور آٹھ چھکوں کی مدد سے84 رن بنائے۔ انکی اس شاندار اننگ کی بدولت ہندوستان نے نیوزی لینڈ کے خلاف ٹونٹی ٹونٹی بین الاقوامی کرکٹ مے سب سے بڑا اسکور بنایا اور48 رن کی جیت اپنے نام کی۔
اپنی اس اننگ کے دوران25 سالہ اس بلے باز نے ٹونٹی ٹونٹی کرکٹ میں اپنے پانچ ہزار رن بھی مکمل کئے۔ وہ ایسا کرنے والے 131 ویں بلے باز بنے۔ انہوں نے2898 بالیں کھیلنے کے بعد پانچ ہزاررن کا ہندسہ پار کیا اور سب سے کم بالوں پر ایسا کرنے والے بلے باز بنے۔
بائیں ہاتھ کے اس بلے باز نے اپنا پہلا ٹونٹی ٹونٹی میچ دہلی ٖڈیر ڈیولس کی جانب سے رائل چیلنجرس بنگلور کے خلاف 12 مئی2018 کو کھیلا تھا ۔تب سے اب تک انہوں نے ہندوستان، ہندوستان اے، دہلی کیپٹلس ، پنجاب اور سن رائزرس حیدرآباد کی جانب سے جو169 ٹونٹی ٹونٹی میچ کھیلے ہیں انکی165 اننگوں میں33.34 کی اوسط اور172.48 کے اسٹرائیک ریٹ کے ساتھ آٹھ سنچریوں اور29 نصف سنچریوں کی مدد سے5002 رن بنائے تھے۔ وہ نو مرتبہ اپنا کھاتہ کھولنے میں ناکام رہے تھے اور ان کا سب سے زیادہ اسکور148 رن ہے جو انہوں نے پنجاب کی جانب سے بنگال کے خلاف حیدرآباد میں30 نومبر2025 کو52بالوں پرآٹھ چوکوں اور16 چھکوں کی مد سے بنایا تھا۔ انکے سولہ چھکے وجے ہزارے ٹرافی میں ایک اننگ میں سب سے زیادہ ہیں۔ اس میچ میں پنجاب نے112 رن سے کامیابی حاصل کی تھی۔
بھیشیک شرما سے پہلے ٹونٹی ٹونٹی کرکٹ میں سب سے کم بالوں پر پانچ ہزار رن بنانے کا ریکارڈ ویسٹ انڈیز سے تعلق رکھنے والے آندرے رسل کے پاس تھا جنہوں نے ایسا2942 بالیں کھیلنے کے بعد کیا تھا جس میچ میں انہوں نے ٹونٹی ٹونٹی کرکٹ میں اپنے پانچ ہزار رن مکمل کئے تھے اس میچ کے اختتام تک وہ302 میچوں کی253 اننگوں میں26.23 کی اوسط اور169.94 کے اسٹرائیک ریٹ کے ساتھ دو سنچریوں اور17 نصف سنچریوں کی مدد سے5010 رن بنائے تھے۔ وہ13 مرتبہ صفر کا شکار ہوئے تھے اور ان کا سب سے زیادہ اسکور
آوٹ ہوئے بغیر 121 رن تھا جو انہوں نے پورٹ آف اسپین میں10 اگست2018 کو جمائیکا تالاواہس کی جانب سے ٹرینباگو کے خلاف49 بالوں پر چھ چوکوں اور تیرہ چھکوں کی مدد سے بنایا تھا۔ اس میچ میں انکی ٹیم کو چار وکٹ سے جیت حاصل ہوئی تھی۔
آسڑیلیا سے تعلق رکھنے والے ٹم ڈیوڈ نے ٹونٹی ٹونٹی کرکٹ میں بالوں کے اعتبار سے تیسرے سب سے تیز پانچ ہزار رن بنائے ہیں۔ دائیں ہاتھ سے بلے بازی کرنے والے اس کھلاڑی نے پانچ ہزار رن مکمل کرنے کیلئے3127 بالیں کھیلیں۔ جس میچ میں انہوں نے ایسا کیا تھا اس میچ کے اختتام تک 29 سالہ اس کھلاڑی نے جن260 میچوں میں شرکت کی انکی237 اننگوں میں 29.99 کی اوسط اور160.52 کے اسٹرائیک ریٹ کے ساتھ17 نصف سنچریوں کی مدد سے5039 رن بناے تھے۔ وہ دس مرتببہ اپنا کھاتہ کھولنے میں کامیاب نہیں رہے تھے اور ان کا سب سے زیادہ اسکورآو ٹ ہوئے بغیر92 رن ہے جو انہوں نے سنگا پور کی جانب سے ملیشیا کے خلاف بنکاک میں3 مارچ2020 کو32 بالوں پر نو چوکوںاور سات چھکوں کی مدد سے بنایا تھا۔ اس میچ میں انکی ٹیم کو128 رن سے جیت ملی تھی۔
