مرادآباد،اتر پردیش کانگریس کمیٹی مغربی یوپی کے صدر و کابینہ وزیر نسیم الدین صدیقی کی مرادآباد پہلی بار آمد پر آئی ایم اے ہال میں ضلع صدر اسلم خورشید و شہر صدر انو بھو ملہوترا کے علاوہ دیگر عہدیداران و کارکنان نے ان کا پر زور استقبال و خیر مقدم کرتے ہوئئے ان کی گلپوشی کی۔ بعد میں کانگریس کے ضلع صدر اسلم خورشید کی صدارت میں منعقدہ میٹنگ میں آئی ایم اے ہال میں ہی انہوں نے کانگریسی عہدیداران و کارکنان اور حامیوں کو خطاب کرتے ہوئے کہا کہ ملک میں پھیلی موجودہ بد حالی اور بد نظمی کے لئے مرکزی و صوبائی سرکاریں ہی ذمہ دار ہیں۔مہنگائی نکتہ عروج پر ہے ٹیکسوں کے بوجھ سے عوام و خواص سبھی پریشان ہیں۔ بد عنوان روزگاروں پر پڑ رہی ہے اور ذمہ داران حکومت خاموش تماشائی بنے ہوئے ہیں حالات دن بد ن بد سے بد تر ہوتے جا رہے ہیں جو عوجو سرکار نہ عوام کو راحت دے سکے اور نہ ملک کی اقتصادی حالت اور کاروباری نظام کو بہتر بنا سکے اسے برسر اقتدار رہنے کا کوئی حق نہیں ہے۔ اقتدار کی تبدیلی آج کی سب سے بڑی ضرورت ہے۔ اور موجودہ بد حالی بد نظمی کے خادمہ کے لئے کانگریس کو بر سر اقتدار لانا لازمی ہے۔ انہوں نے کانگریس کے عہدیداران و کارکنان سے خطاب کرتے ہوئے بلدیاتی انتخابات سے متعلق تیاریوں کا جائزہ لیتے ہوئئے عہدیداران و کارکنان اور حامیوں کی نبض ٹٹولی اور کہا کہ کانگریس کو مزید مضبوط بنانے کے لئے کانگریس کے عہدیداران و کارکنان کمر بستہ رہیں۔ تاکہ نہ صرف بلدیاتی بلکہ آئندہ ہونے والے انتخابات میں کانگریس کے امید واروں کو تاریخی کامیابی حاصل اور کانگریس مزید مضبوط پارٹی بن کر ابھرے۔ ضلع صدر اسلم خورشید اورشہر صدر انو بھو ملہوترا نے کانگریس کو مزید مضبوط بنانے کے لئے کئے جانے والے اور بدلیاتی انتخابات میں کانگریسی امید وار کو کامیاب بنانے کا یقین دلایا۔ انہوں نے اجلاس کے بعد صحافیوں سے بات چیت کرتے ہوئے کہا کہ سماجو ادی پارٹی کے سربراہ ملائم سنگھ یادو کی موت سے خالی ہوئی پارلیمانی سیٹ پر ابھی ہائی کمان نے کوئی فیصلہ نہیں لیا ہے۔ ہائی کمان کی جیسی ہدایت ہوگی اس پر عمل کیا جائے گا۔ ایک سوال کے جواب میں کہا کہ جو پارٹی کے اے آئی سی سی ممبر اور پی سی سی رکن ہیں اب انہیں میدان میں آکر عوام کے بیچ کام کرنا ہوگا ورنہ سر گرم نہ ہونے پر انہیں ممبر شپ کھونا پڑے گے انہوں نے کہا کہ آئندہ انتخابات میں کانگریس سرکار بنائے گی۔ انہوں نے سماج وادی پارٹی سے متعلق پوچھے گئے سوال پر انہوں نے کہا کہ مجھے مغربی یوپی کی ذمہ داری دی گئی ہے میں مغربی یوپی میں پارٹی کو مزید مضبوط کروںگا۔ اس موقع پر سابق وزیر ستیش کمار، اتر پردیش کانگریس کمیٹی کے صوبائی سکریٹری سچن چودھری، سابق ایم ایل اے پھول کنور، سینئر کانگریسی لیڈر آنند موہن گپتا،ونود گمبر،سابق شہر صدر اسد مولائی، امیر الحسن جعفری، افضل صابری، انو راگ شرما، سید معظم علی، رئیس خاں، افسر خاں، انوپ دوبے، محتشم مختار، اروند چوہان، درشن لال، محمد دانش قریشی، عظیم قریشی، محمد وسیم، قمر سلیم، محمد عباس ایڈو کیٹ، بھینکر سنگھ بودھ، اروند چودھری، راجیندر بالمکی، حیدر علی، شیام بابو بالمیکی، سریش چندر سکسینہ کے علاوہ کثیر تعداد میں لوگ موجودتھے۔
