نئی دہلی :15 فروری ()صو فیہ ا یجو کیشنل اینڈ ویلفیئر سوسائٹی کی جانب سے بابر پور ضلع کانگریس کمیٹی کے صدراور چوہان بانگر سے کونسلر شگفتہ چودھری کی دیکھ ریکھ میں دہلی کے پرائیویٹ اسکول میں داخلہ کیلئے ای ڈبلو ایس اور بی پی ایل سہ روزہ کیمپ کا انعقادکیاگیا ۔یہ کیمپ بروز ہفتہ صبح 12 سے دو پہر 3 بجے تک جاری رہے گا ۔ نمائندہ سے بات کرتے ہوئے چودھری زبیر احمد اورکونسلر شگفتہ چودھری نے مشترکہ طور پر کہا کہ اکثر و بیشتر دیکھنے میں آتا ہے کہ مسلم آبادی والے علاقوں میں لوگ سرکاری اسکیموں سے اس لئے محروم کہ ان کو مکمل جانکاری نہیں مل پاتی صوفیا این جی او کے اشتراک سے چوہان بانگر میں سہ روزہ کیمپ کا انعقاد کیاگیا ہے جس میں لوگوں کو ای ڈبلو ایس اور بی پی ایل مفت داخلہ کی مکمل معلومات اور فارم بھرے جار ہے ہیں ۔انہوں نے بتایا کہ صوفیا این جی او کے دو ممبر سشما اور زارکا اس کام میں نمایاں خدمات انجام دے رہے ہیں ۔ انہوں نے اب تک تقریبا 270 لوگوں کو داخلہ کی معلومات دیں ہیں اور فارم بھرنے کا سلسلہ جاری ہے ۔ انہوں نے مزید کہا کہ علاقہ کی نئی نسل تعلیم یافتہ کیسے بنے ہم اس پر لگاتار کام کر رہے ہیں ۔ دہلی پردیش کانگریس کمیٹی کے ڈیلی گیٹ سید ناصر جاوید نے کہا کہ دو دن سے کیمپ میں علاقہ کے لوگ کثیر تعداد میں داخلہ کی جانکاری لینے آرہے ہیں ۔ انہوں نے کہا کہ شگفتہ چودھری باشعور اور تعلیم یافتہ خاتون ہیں وہ اپنے وارڈ کو صاف ستھرا بنانے کیلئے بہترین کام کر رہی ہیں ساتھ ہی علاقہ کی نئی نسل کو بہتر تعلیم کیسے دی جائے اس کیلئے بھی وہ بے حد فکر مند ہیں اسی دیکھتے ہوئے اس کیمپ کا انعقاد کیا گیا ہے ۔ کیمپ کو کامیاب بنانے میں جرار احمد کڑی محنت کر رہے ہیں اور سوشل میڈیا کے ذریعہ بھی لوگوں کو بیدار کرنے کا کام کر رہے ہیں ۔
