نوح،میوات، مدرسہ فیض العلوم شکراوہ میں چوتھا اجلاس عام بڑی ہی شان و شوکت کے ساتھ اختتام پزیر ہوا۔اجلاس کی صدارت فضیلة الشیخ ڈاکٹر عیسی انیس جامعی امیر صوبائی جمعیت اہلحدیث ہریانہ نے کی اور نظامت کے فرائض شیخ عبد الرحمن سلفی حفظہ اللہ نے انجام دیے نیز مہمان خصوصی کے طور پر فضیلة الشیخ عبد المنان سلفی حفظہ اللہ نے شرکت کی۔اجلاس کا آغاز مدرسہ ہی کے طالب علم فیضان محمد اکبر نے تلاوتِ کلامِ پاک سے کیا۔ اجلاس میں طلبہ نے اپنی تقریری صلاحیتوں کا مظاہرہ کیا۔ فراغت حاصل کرنے والے حفاظ کی دستاربندی کی گئی۔اجلاس میں فضیلة الشیخ مفید احمد سنابلی مولانا محمد شریف سلفی و زین العابدین حفظہم اللہ کے پر مغز خطاب رہے جس میں آپ حضرات نے مدارس کے معاشرتی کردار سازی اور تعلیم کی اہمیت و افادیت پر روشنی ڈالی، پروگرام میں علماءکی ایک کثیر تعداد نے شرکت کی جن میں قابلِ ذکر شخصیات مولانا عمران سنابلی ، مولانا طالب رحیمی ، عبد القیوم سلفی مولانا حبیب الرحمن سلفی حافظ داو¿د صاحب سلفی وغیرہ رہے ، نیز علماءکے ساتھ ساتھ جماعت و جمعیت کے بہی خواہان بھی مختلف دیہات و قری سے شریک ہوئے جن میں قابلِ ذکر شکراوہ ،جلالپور جہٹانہ ،کمریہڑہ ،ڈھاڈولی سوکھپوری، جھانڈا بینسی ،کورالی ساکرس ،بادلی، نیمکا رہپوا و گوہانہ ہیں۔ پروگرام میں صدر مدرسہ محمد اکبر صاحب نے ادارے کی کارکردگی رپورٹ پیش کی جو آمد و اخراجات پر مشتمل تھی آخیر میں ڈاکٹر عیسی انیس صاحب نے اپنے صدارتی کلمات میں ادارے کی نشاطات کو سراہتے ہوئے ادارے کی کارکردگی پر اطمینان کا اظہار کیا اور مزید ترقی کی دعا دی۔
