سید پرویز قیصر
پرتگال کے کرسٹیانو رونالڈو کلب اور بین الاقوامی فٹ بال میچوں میں نو سو گول کرنے والے پہلے کھلاڑی بن گئے ہیں۔ انہوں نے کروشیا کے خلاف دوسرا گول مارکر اپنے گولوں کی تعداد900 کی۔ انہوں نے پرتگال کے لئے2003 سے اب تک جو213 بین الاقوامی میچ کھیلے ہیں اس میں ابھی تک 131 گول کئے ہیں۔ بین الاقوامی فٹ بال میچوں میں ان سے زیادہ گول کوئی اور کھلاڑی اسکور کرنے میں کامیاب نہیں ہوا ہے۔ بین الاقوامی فٹ بال میچوں میں سب سے زیادہ گول کرنے والے کھلاڑیون کی فہرست میں دوسرا نام ارجن ٹائنا کے لیونل میسی کا ہے جنہوں نے2005 سے اب تک جو 187 میچ کھیلے ہیں ان میں109گول کئے ۔ ان دونوں کے علاوہ ایران کے علی دائی سو سے زیادہ گول کرنے والے کھلاڑی ہیں۔ علی دائی نے1993 اور2006 کے درمیان148 بین الاقوامی فٹ بال میچوں میں108 گول کئے ہیں۔
برازیل کے پیلے نے1,363 میچوں میں1,279 گول کئے ہیں مگر ان کے بہت سے گول ان میچوں میں مارے گئے ہیں جن کو مکمل فرسٹ کلاس میچ کا درجہ حاصل نہیں تھا۔ پیلے کے گولوں کی تعداد 762 گول ہے اور وہ اس وقت تیسرے سب سے زیادہ گول کرنے والے کھلاڑی ہیں۔ برازیل کے روماریو کے گولوں کی تعداد 755 گول ہے اور وہ چوتھے نمبر پر ہیں۔ پیلے کی طرح انہوں نے بھی کافی گول کم درجہ کے میچوں میں اسکور کئے ہیں۔ انکے سبھی گولوں کی تعداد ایک ہزار سے زیادہ ہے۔
کلب اور بین الاقوامی میچوں میں دوسرے سب سے زیادہ گول ارجن ٹائنا کے لیونل میسی نے کئے ہیں۔ انہوں نے2004 سے اب تک838 گول کئے ہیں اور وہ کرسٹیانو رونالڈو کے بعد نو سو گول کرنے والے دوسرے کھلاڑی بن سکتے ہیں۔کرسٹیانو رونالڈو کی خواہش ہے کہ وہ ایک ہزار گول کرنے کے بعد ریٹائر ہو مگر ایسا شاید انکے لئے مشکل ہو کیونکہ انکی عمر اس وقت سال ہے۔ انہوں نے437 گول تیسویں سالگرہ کے بعد اسکوت کئے ہیں اس لئے ہوسکتا ہے کیہ وہ اگلے دوسالوں میں سو اور گول کرکے اپنے ایک ہزار گول مکمل کرلیں۔
کرسٹیانو رونالڈو ڈوز سنتوس اویرو5 فروری1985 کو فن چل ، ماڈیرا میں پیدا ہوئے تھے۔ انہوں نے7 اکتوبر2002 کو پرتگال کے اسپورٹنگ کلب کیلئے کھیلا تھا۔ اس میچ میں انکی عمر17 سال اور 244 دن تھی۔ مورائی رینسی کے خلاف3-0 کی جیت میں انہوں نے دو گول کئے تھے۔ سپورٹنگ کلب کیلئے انہوں نے کم ہی میچ کھیلے جس میں پانچ گول کئے۔
اس کلب کیلئے کھیلنے کے بعد انہوں نے مانچسٹر یونائٹیڈ کے لئے293 میچوں میں118 گول کئے۔ 2009 میں وہ ریال میڈریڈ میں چلے گئے جہاں انہوں نے نو سال میں438 میچوں میں450 گول مارے۔2018 میں وہ جوینٹس میں چلے گئے اور اس اطالوی کلب کے لئے انہوں نے تین سال میں 101 گول کئے۔ مانچسٹر یونائٹیڈ کے لئے جب وہ دوبارہ کھیلے تو وہ 27 گول کرنے میں کامیاب رہے تھے۔ اپنے موجودہ کلب انصر کے کئے انہوں نے68 گول کئے ہیں۔
کرسٹیانو رونالڈو نے سب سے زیادہ گول2011-12 میں ہوئے سیزن میں اسکور کئے تھے۔ اس سیزن میں انہوں نے69 گول کئے تھے۔ اپنے پہلے سیزن یعنی 2002-03 میں انہوں نے پانچ گول کئے تھے جو ایک سیزن میں انکے سب سے کم گول ہیں۔ موجودہ سیزن میں انہوں نے ابھی تک پانچ گول کئے ہیں۔
کرسٹیانو رونالڈو نے900 میں سے164 گول پنالئی ککوں پر کئے ہیں جبکہ فری ہٹ پر وہ64 گول کرنے میں کامیاب رہے ہیں۔ کول کے قریب علاقہ کے اندر انہوں نے768 گول مارے ہیں جبکہ اس علاقہ سے باہر وہ132 گول کرنے میں کامیاب رہے ہیں۔ دائیں پیر سے انہوں نے573 گو ل اور بائیں پیر سے 173 گول مارے ہیں۔152 گول انہوں نے ہیڈ کے ذریعے مارے ہیں جبکہ دو گول ایسے ہوئے ہیں جن کو بتانا مشکل ہے۔
کل66 ہیٹ ٹرک کرنے والے اس کھلاڑی نے479 گول اپنے گھریلو میدانوں پر اسکور کئے ہیں جبکہ مخالف ٹیموں کے میدانوں پر انہوں نے361 گول مارے ہیں۔60 گول انہوں نے غیر جانب دار میدانوں پر مارے ہیں۔
سب سے زیادہ گولکرسٹیانو رونالڈو نے سیویلا کے خلاف اسکور کئے ہیں۔ اس کلب کے خلاف وہ27 گول کرنے میں کامیاب رہے ہیں۔ ایٹلیکو ڈی میڈریڈ کے خلاف انہوں نے25 م گتافے کے خلاف23 اور بارسلونا اور سلٹا ڈی ویگو کے خلاف وہ20۔20 گول کرنے میں کامیاب رہے ہیں۔
سعودی کلب انصر سے30 دسمبر2022 کو200 ملین یورو ہر سال کی تنخواہ کے ساتھ اس فارورڈ کھلاڑی کا معاہدہ ہوا تھا اور اس وقت وہ سب سے مہنگے فٹ بال کھلاڑی ہیں۔ انہوں نے سعودی کلب کے لئے ابھی تک 74 میچ کھیلے ہیں۔ انہوں نے سنیئر ٹیموں کے لئے 1237 میچ کھیلے ہیں جو چوتھے سب سے زیادہ میچ ہیں۔
