اسرائیل :اسرائیلی فوج کے ایک ترجمان نے منگل کے روز کہا ہے کہ اسرائیل نے شمالی غزہ کی پٹی میں بیت لاہیا کے علاقے کو خطرناک جنگی زون” قرار دیتے ہوئے نئے انخلاء کا حکم دیا ہے۔
یہ بات ایسے وقت میں سامنے آئی ہے جب رہائشیوں نے کہا تھا کہ منگل کے روز اسرائیل نے غزہ کی پٹی میں اپنے حملوں کو تیز کر دیا ہے۔ منگل کے روز چند ہفتوں میں سب سے زیادہ بمباری کی کارروائیوں میں پٹی کے شمال میں بمباری کی، جہاں سے اسرائیلی فوج نے پہلے اپنی افواج کو ہٹا لیا تھا۔
وسطی اور جنوبی علاقوں میں فضائی حملوں اور ٹینکوں کی گولہ باری کی بھی اطلاعات ہیں، جس میں رہائشیوں کا کہنا ہے کہ تقریباً مسلسل گولہ باری ہو رہی ہے۔
رہائشیوں اور حماس کے میڈیا کا کہنا ہے کہ فوج کے ٹینک گذشتہ رات غزہ کی پٹی کے شمالی کنارے پر بیت حانون کے مشرق میں ایک بار پھر گھس آئے لیکن شہر میں زیادہ دیر نہیں رکے۔ فائرنگ میں اسکولوں کو نشانہ بنایا جہاں بے گھر افراد وہاں پناہ لیے ہوئے تھے۔
دریں اثناحماس کے عسکری ونگ القسام بریگیڈ نے غزہ میں اسرائیلی جنگ کے 200دن پورے ہونے پر ایک پیغام میں تمام فلسطینی مزاحمتی گروپوں سے اپیل کی ہے کہ تمام محاذوں پر مزاحمتی جنگ کو پھیلا دیا جائے۔ یہ اپیل القسام بریگیڈ کے ترجمان ابو عبیدہ نے منگل کے روز اپنی ایک تقریر میں کی ہے۔
القسام بریگیڈ کے ترجمان کی یہ تقریر ٹی وی چینل نے نشر کی ہے۔واضح رہے سات اکتوبر سے شروع ہونے والی اسرائیل حماس جنگ اب تک دونوں فریقوں کے درمیان ہونے والی سب جنگوں سے طویل تر اور شدید ترین جنگ ہے۔
