نئی دہلی ، یو این آئی:الیکشن کمیشن نے اعلان کیا ہے کہ مغربی بنگال، آسام، تمل ناڈو، کیرالہ اور مرکز کے زیر انتظام علاقے پڈوچیری کی کل 824 اسمبلی سیٹوں کے لیے عام انتخابات 9 اپریل سے 29 اپریل کے درمیان ہوں گے۔ چیف الیکشن کمشنر گیانیش کمار نے اتوار کے روز یہاں خصوصی پریس کانفرنس میں اسمبلی انتخابات کے شیڈیول کا اعلان کرتے ہوئے کہا کہ آسام کی 126 سیٹوں، کیرالہ کی 140 سیٹوں اور پڈوچیری کی 30 سیٹوں کے لیے 9 اپریل کو ایک ہی مرحلے میں انتخابات ہوں گے۔ تمل ناڈو کی 234 سیٹوں کے لیے ایک ہی مرحلے میں 23 اپریل کو ووٹ ڈالے جائیں گے۔ جبکہ مغربی بنگال میں انتخابات دو مرحلوں میں 23 اور 29 اپریل کو ہوں گے۔ ریاست کی کل 294 سیٹوں میں سے پہلے مرحلے میں 152 سیٹوں پر اور دوسرے مرحلے میں 142 سیٹوں پر ووٹ ڈالے جائیں گے۔ ان تمام ریاستوں اور پڈوچیری میں اسمبلی انتخابات کے لیے ووٹوں کی گنتی 4 مئی کو ہوگی۔ انتخابات کے اعلان کے ساتھ ہی ان ریاستوں میں مثالی ضابطہ اخلاق نافذ ہو گیا ہے۔ مسٹر گیانیش کمار نے بتایا کہ چار ریاستوں اور مرکز کے زیر انتظام علاقے میں 17.4 کروڑ ووٹروں کے لیے تقریباً 2.19 پولنگ اسٹیشن بنائے جا رہے ہیں۔ کمیشن نے آزادانہ اور منصفانہ ووٹنگ کو یقینی بنانے کے لیے انتخابی کاموں پر تقریباً 25 لاکھ انتخابی اہلکاروں کی تعیناتی کا اعلان کیا ہے۔ چیف الیکشن کمشنر نے کہا کہ الیکشن کمیشن نے ان ریاستوں کا دورہ کرنے اور تمام بڑی سیاسی جماعتوں، ریاستی انتظامی اور پولیس حکام کے ساتھ تفصیلی بات چیت کے بعد انتخابی شیڈیول کا اعلان کیا ہے۔اس پریس کانفرنس میں الیکشن کمشنر ڈاکٹر ایس ایس سندھو اور وویک جوشی بھی موجود تھے۔ مسٹر گیانیش کمار نے کہا، "کمیشن پولنگ اسٹیشن پر ہر ووٹر کا استقبال کرنے کے لیے تیار ہے۔ ہم بالخصوص پہلی بار ووٹ دینے والے ووٹروں اور نوجوان ووٹروں سے اپیل کرتے ہیں کہ وہ جوش و خروش، وقار اور سمجھداری کے ساتھ اپنے حق رائے دہی کا استعمال کریں اور جمہوریت میں اپنی ذمہ داری کو پورا کریں۔”قابل ذکر ہے کہ آسام میں موجودہ حکومت کی میعاد 20 مئی 2026 کو ختم ہورہی ہے، کیرالہ اسمبلی کی میعاد 23 مئی 2026 کو ختم ہونے والی ہے۔ اسی مغربی بنگال اور تمل ناڈو میں موجودہ اسمبلی کی میعاد بالترتیب 7 مئی 2026 اور 10 مئی 2026 کو ختم ہوجائے گی، جبکہ پڈوچیری میں موجودہ اسمبلی کی میعاد 15 جون 2026 کو مکمل ہوجائے گی۔ان ریاستوں میں حال ہی میں انتخابی فہرستوں کی خصوصی جامع نظرثانی (ایس آئی آر) انجام دی گئی ہے۔ مقررہ مدت میں انتخابی فہرستوں کی سرسری نظرثانی اور خصوصی جامع نظر ثانی (ایس آئی آر) کی تکمیل کے بعد، حتمی انتخابی فہرست کی اشاعت آسام میں 10 فروری 2026 کو، پڈویچیر میں 14 فروری 2026 کو، تمل ناڈو میں 17 فروری 2026 کو کی گئی تھی۔ جبکہ مغربی بنگال میں حتمی انتخابی فہرست کی اشاعت 28 فروری 2026 ہو ہوگئی ہے اور کیرالہ میں 21 فروری 2026 کو حتمی انتخابی فہرست شائع کی گئی ہے۔الیکشن کمیشن نے اتوار کو آسام، کیرالہ، تمل ناڈو، مغربی بنگال اور مرکز کے زیر انتظام علاقہ پڈوچیری میں اسمبلی انتخابات کی تاریخوں کا اعلان کر دیا۔ انتخابی پروگرام کے اہم نکات درج ذیل ہیں:آسام، کیرالہ، تمل ناڈو، مغربی بنگال اور مرکز کے زیر انتظام علاقہ پڈوچیری کی مجموعی طور پر 824 اسمبلی نشستوں کے لیے اپریل میں انتخابات ہوں گے۔چیف الیکشن کمشنر گیانیش کمار نے انتخابی پروگرام کا اعلان کیا اور اسی کے ساتھ ضابطۂ اخلاق فوری طور پر نافذ ہو گیا۔آسام کی 126 نشستوں، کیرالہ کی 140 نشستوں اور پڈوچیری کی 30 نشستوں کے لیے ایک ہی مرحلے میں 9 اپریل کو ووٹنگ ہوگی۔تمل ناڈو کی 234 اسمبلی نشستوں کے لیے ایک مرحلے میں 23 اپریل کو ووٹنگ ہوگی۔مغربی بنگال میں انتخابات دو مرحلوں میں ہوں گے، جہاں 23 اور 29 اپریل کو ووٹنگ ہوگی۔
