آبوجا (یو این آئی) وسطی نائجیریا میں اس ہفتے کے شروع میں ایک کشتی حادثہ کے بعد جمعہ کو مزید لاشیں برآمد کی گئیں، جس سے ہلاکتوں کی تعداد بڑھ کر 42 ہو گئی۔ مقامی حکام نے یہ اطلاع دی۔ملک کی ایمرجنسی مینجمنٹ ایجنسی کے سربراہ عبداللھی بابا آرا نے ہفتے کے روز صحافیوں کو بتایا کہ جمعرات سے اب تک تقریباً 17 مزید لاشیں نکالی گئی ہیں۔ ان میں سے چھ کل صبح پائے گئے، جس سے مرنے والوں کی تعداد 42 ہو گئی۔نائجیریا کے صدر بولا تینوبو کے ترجمان نے بتایا کہ منگل کی رات 300 سے زائد مسافروں سے بھری کشتی ڈوبنے کے بعد تقریباً 25 لاشوں کی برآمدگی کی تصدیق کی گئی ہے۔ جمعرات کو مزید 17 لاشیں برآمد ہوئیں۔صدر کے ایک ترجمان بایو اوناوگا نے مسٹر تینوبو کی جانب سے جاری کردہ ایک بیان میں کہا ہے کہ منگل کی رات دیر گئے موکوا لوکل گورنمنٹ ایریا میں نائجرندی کے بالائی حصے پر واقع جیبا ڈیم پر مسافروں سے بھری کشتی الٹنے کے بعد 150 سے زائد افراد کو بچا لیا گیا۔مقامی حکام نے بتایا کہ مسافر نائجر میں ایک دیگر کمیونٹی میں مذہبی تقریب کے بعد گھر واپس جا رہے تھے جب یہ حادثہ پیش آیا۔
