سید پرویز قیصر
کرناٹک کے دیودت پاڈیکل وجے ہزارے ٹرافی میں سب سے کم اننگوں میں بارہ سنچریاں بنانے والے بلے باز بن گئے ہیں۔با ئیں ہاتھ کے اس بلے باز نے تری پورہ کے خلاف احمدآباد میں کھیلے گئے میچ میں120 بالوں پر آٹھ چوکوں اور تین چھکوں کی مدد سے108 رن بناکر ایسا کیا۔ انہوں نے33ویں میچ کی 33 اننگوں میں ایسا کیا اور وجے ہزارے ٹرافی میں سب سے تیز بارہ سنچریاں بنانے والے بلے باز بنے۔
دیو دت پاڈیکل نے2019 سے اب تک وجے ہزارے ٹرافی میں جو33 میچ کھیلے ہیں انکی33 اننگوں میں93.51 کی اوسط اور 94.74کے اسٹرائیک ریٹ کے ساتھ 13 سنچریاں اور بارہ نصف سنچریوں کی مدد سے2525 رن بنائے ہیں۔ وہ ایک مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور152 رن ہے جو انہوں نے اڑیسہ کے خلاف ایلور میں24 فروری 2021 کو140 بالوں پر14 چوکوں اور پانچ چھکوں کی مدد سے بنایا تھا۔ اس میچ میں کرناٹک نے101 رن سے کامیابی اپنے نام کی تھی۔
وجے ہزارے ٹرافی میں سب سے زیادہ سنچریاں بنانے کا اعزاز مہا راشٹر کے انکیت بھاونے کے پاس ہے جنہوں نے2009 سے اب تک جو 99 میچ کھیلے ہیں انکی92 اننگوں میں56.27 کی اوسطاور80.01 کے اسٹرائیک ریٹ کے ساتھ15 سنچریوں اور17 نصف سنچریوں کی مدد سے4164 رن بنائے ہیں۔ وہ چارمرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور آوٹ ہوئے بغیر184 رن ہے جو انہوں نے پوڈو چری کے خلاف رانچی میں23 نومبر2022 کو143 بالوں پر28 چوکوں اور چار چھکوں کی مدد سے بنایا تھا۔اس میچ میں انکی ٹیم کو 105 رن سے کامیابی حاصل ہوئی تھی۔
وجے ہزارے ٹرافی میں دوسری سب سے زیادہ سنچریا ں بنانے والے کھلاڑی کا تعلق بھی مہاراشٹر سے ہے۔ دائیں ہاتھ سے بلے بازی کرنے والے رتوراج گائیکواڑ نے2017 سے اب تک جو57 میچ کھیلے ہیں انکی55اننگوں میں63.60 کی اوسط اور104.91 کے اسٹرائیک ریٹ کے ساتھ14 سنچریوں اور نو نصف سنچریوں کی مدد سے3180 رن بنائے ہیں۔ وہ ایک مرتبہ بھی صفر پرآوٹ نہیں ہوئے ہیں اور ان کا سب سے زیادہ اسکور آوٹ ہوئے بغیر220رن ہے جو انہوں نے احمد آباد میں28 نومبر2022 کو اترپردیش کے خلاف
159 بالوں پر دس چوکوں اور سولہ چھکوں کی مدد سے بنایا تھا۔ اس میچ میں انکی ٹیم کو58 رن سے جیت ملی تھی۔ ان کا یہ اسکور وجے ہزارے ٹرافی میں تیسر ا سب سے زیادہ اسکور ہے جبکہ سولہ چھکے وجے ہزارے ٹرافی میں ایک اننگ میں سب سے زیادہ ہیں۔
کرناتک کے مینک اگروال نے2012سے اب تک جو76 میچ کھیلے ہیں انکی 76 اننگوں میں51.97 کی اوسط اور99.58 کے اسٹرائیک ریٹ کے ساتھ 12سنچریوں اور18 نصف سنچریوں کی مدد سے3586 رن بنائے ہیں۔وہ چھ مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور 162 رن ہے جو انہوں نے آندھرا پردیش کے خلاف سکندر آبادمیں7, نومبر 2014 کو171 منٹ میں22 چوکوں اور تین چھکوں کی مدد سے بنایا تھا۔ اس میچ میں انکی ٹیم نے134 رن سے جیت اپنے نام کی تھی۔وہ وجے ہارے ٹرافی میں چوتھے سب سے زیادہ سنچریاں بنانے والے بلے باز ہیں۔ْ
