کانگریس کی رسوئی کے ذریعے دن میں دو وقت کے کھانے کی تقسیم جاری:چودھری متین

نئی دہلی،20؍ جولائی، :، ہماراسماج : جب سے دہلی سیلاب کی زد میں آئی ہے، بابر پور ضلع کانگریس کمیٹی کے صدر چودھری زبیر احمد اپنے ضلع کے تمام بلاک صدور، ضلع کے عہدیداروں کے ساتھ سیلاب سے متاثرہ لوگوں سے ملاقات کر رہے ہیں۔تاہم ان کی ہر ممکن مدد کر رہے ہیں۔ اسی کڑی میں بابر پور ضلع کانگریس کمیٹی نے 16 جولائی سے عثمان پور میں سیلاب سے متاثرہ لوگوں کے لیے کیمپ کا انعقاد کیا ہے۔ اپنے ہاتھوں سے متاثرین کو کھانا تقسیم کرنے کا کام کر رہے ہیں۔وہ مسلسل پانچ دنوں سے سیلاب زدگان کو کھانا کھلانیکا بہترین نظم کیے ہوئے ہیں جو اپنے آپ میں ایک بڑا کام ہے۔آج چودھری متین احمد نے کیمپ پہنچ کر کھانا تقسیم کیا۔ انہوں نے کہا کہ کانگریس پارٹی اس ملک کی سب سے پرانی پارٹی ہے، جو صرف اور صرف ملک کے عوام کے مفاد میں سوچتی ہے۔انہوں نے کہا کہ جیسے ہی دہلی میں سیلاب کی صورتحال پیدا ہوئی، دہلی کانگریس کے لیڈروں اور کارکنوں نے راحت پہنچانے کا کام شروع کردیا۔ عثمان پور پستہ پر قائم کی گئی کانگریس کی رسوئی کے ذریعے دن میں دو وقت کا کھانا مسلسل تقسیم کیا جا رہا ہے، سیلاب زدگان کو ادویات، خشک راشن اور دیگر امداد بھی فراہم کی جا رہی ہے۔ انہوں نے کہا کہ کانگریس پارٹی کے لوگوں نے ہمیشہ ملک کے عوام کی خدمت کی ہے اور آئندہ بھی کرتے رہیں گے۔بابر پور ضلع کانگریس کمیٹی صدر چودھری زبیر احمد نے کہا کہ دہلی میں آنے والے سیلاب نے دونوں حکومتوں کے کھوکھلے دعووں کو بے نقاب کر دیا ہے، اگر موجودہ حکومتیں واقعی کام کرتیں تو آج لوگوں کو بھاری نقصان نہ اٹھانا پڑتا، سیلاب سے متاثر لوگ سڑکوں پر ہیں،اور کانگریس کا ایک ایک سپاہی ان لوگوں کی مدد کے لیے دن رات خدمت کر رہا ہے۔بابر پور ضلع کانگریس کا سب سے مضبوط ضلع ہے اور اس کے عہدیداروں نے سیلاب متاثرین کی خدمت میں کوئی کسر نہیں چھوڑی ہے۔دہلی پردیش کانگریس کمیٹی کے ڈیلی گیٹ سید ناصر جاوید نے کہا کہ آج دہلی کے لوگ سابق وزیر اعلیٰ شیلا د کشٹ کو یاد کرتے ہیں، کیونکہ جس دہلی شہر کو انہوں نے صاف ستھرا اور خوبصورت بنایا تھا، آج اس کی سڑکیں تالاب بن گئی ہیں اور عام لوگوں کی زندگی ٹھپ ہو کر رہ گئی ہے، جس کی وجہ سے لوگوں کو بھاری نقصان اٹھانا پڑ رہا ہے۔انہوں نے کیمپ کے تعلّق سے کہا کہ عثمان پور کیمپ سے سیلاب متاثرین کو جو مدد ملی ہے وہ کانگریس پارٹی اور بابر پور ضلع کانگریس کمیٹی کے تمام عہدیداروں کی محنت کا نتیجہ ہے۔ کانگریس کی یہ روایت رہی ہے کہ جب بھی ملک کے عوام پر کوئی بحران آتا ہے تو کانگریس پارٹی کے قائدین نے سب سے پہلے مورچہ سنبھالا ہے۔کیمپ کے اختتام پر ضلع بابر پور کے تمام عہدیداران اور کارکنان موجود تھے۔جن میں سید ناصر جاوید،خالد خان، انتظار خان ریاض الدین راجو، ونود شرماجرار احمد، نول سنگھ یادو، شفیق خان مینو،راجندر پردھان، وجے پاٹھک،نوشاد عالم، ضمیر احمد،رئیس سلمانی، نواب الدین، اشتیاق شیخ،ریاض احمد، یوسف صدیقی،شیام بابو شرما، کشن پال،مہندر سنگھ ٹھاکر، نوید پپو،بٹو بھائی، ندیم راعین کے نام قابل ذکر ہیں۔