مرادآباد ، 21؍ مئی،سماج نیوز سروس: کانگریسی عہدیداران و کارکنان گرہٹی چوراہہ پر واقع کانگریس کے دفتر میں جمع ہوئے۔ یہاں انہوں نے اپنے قائد کی تصویر پر پھول چڑھائے اور انہیں خراج عقیدت پیش کیا۔ ضلعی صدر اسلم خورشید نے کہا کہ ملک میں کمپیوٹر کا آغاز انہی نے کیا۔ کہا کہ بی جے پی جیسی جماعتوں نے اس وقت کمپیوٹر متعارف کرانے کی کھل کر مخالفت کی تھی،لیکن آج ہم کمپیوٹر کی مدد سے سیاست کرنے کے قابل ہیں۔دیگر مقررین نے اپنے لیڈر کو ووٹنگ کے حقوق اور پنچایتی راج کے قیام کے لیے یاد کیا۔ میٹنگ میں انوپ دوبے، سدھیر پاٹھک، امیر الحسن جعفری، افضل صابری، شیام سرن،بھینکر سنگھ بودھ،راجندر والمیکی، بابر سیفی، گورو ترویدی، محمد جنید ، فیروز خان، منگل سین، راجہ، اروند چوہان، اسلم رحمت اور سریش سکسینہ وغیرہ نے شرکت کی۔
