بیگ عارف
سرینگر، 21؍ مئی،سماج نیوز سروس:
لوک سبھا انتخابات کے دوران کشمیر میںریکارڈ ووٹنگ وزیر اعظم نریند ر مود ی کے ویژن اور پالیسیوں کو سلام ہے کی بات کرتے ہوئے بی جے پی کے قومی جنرل سیکرٹری اور جموں کشمیر و لداخ انچارج ترون چھگ نے کہا کہ وادی میں عبداللہوں، مفتیوں اور گاندھیوں کے بائیکاٹ اور گولیوں کے دن ختم ہو چکے ہیں۔ اب لوگ اپنا حق رائے دہی استعمال کرنے کیلئے پرجوش ہے ۔تفصیلات کے مطابق سرینگر کے بعد بارہمولہ پارلیمانی حلقہ میں ریکارڈ ووٹنگ تبصرہ کرتے ہوئے بی جے پی کے قومی جنرل سیکرٹری ترون چھگ نے کہا کہ کشمیر میں ریکارڈ پول فیصد وزیر اعظم نریندر مودی کے ویژن اور پالیسیوں کو سلام ہے۔انہوں نے کہا کہ جموں و کشمیر ایک جمہوریت کے طور پر پھولا ہے جس میں ووٹروں کے ریکارڈ ٹرن آؤٹ درج ہوئے ہیں۔چھگ نے کہا کہ وادی میں عبداللہوں، مفتیوں اور گاندھیوں کے بائیکاٹ اور گولیوں کے دن ختم ہو چکے ہیں۔ انہوں نے کہا ’’ لوگ اپنا حق رائے دہی استعمال کرنے کیلئے پرجوش ہیں۔ یہ سب اس لیے ہے کہ پی ایم مودی نے جموں و کشمیر میں ایک نئے دور کا آغاز کیا ہے جہاں عسکریت پسندی اور بندوقیں ختم ہو چکی ہیں۔ یہ مودی دور کی فتح ہے کہ وادی کشمیر میں ووٹروں کی بے مثال ٹرن آؤٹ دیکھنے میں آئی‘‘۔بی جے پی کے سینئر لیڈر نے کہا کہ فیصلہ جس طرف بھی جائے لیکن یہ قوم کے لیے ایک قابل فخر لمحہ ہے جو اسے ہونے کے لیے وزیر اعظم مودی کو سلام پیش کرتا ہے۔
