سید پرویزقیصر
انگلینڈٖ کے گھریلو سیزن میں اس مرتبہ چھ ٹسٹ میچ کھیلے گئے تھے جس میں سے پانچ میں اس نے کامیابی حاصل کی اور ایک ٹسٹ میں شکست ہوئی۔ سری لنکا نے اوول میں کھیلے گئے ٹسٹ میں کامیابی حاصل کرنے کے بعد انگلینڈ کے سبھی ٹسٹ میچ جیتنے کے خواب کو چکنا چور کردیا۔ انگلینڈ نے ابھی تک دو مرتبہ سیزن میں کھیلے گئے سبھی ٹسٹ میچوں میں جیت درج کی ہے۔اس میں وہ سیزن شامل نہیں ہے جس میں صرف تین ٹسٹ میچوں کی سریز ہوئی تھی۔
انگلینڈ کے2024 سیزن کی شروعات ویسٹ انڈیز کے خلاف لارڈز پر کھیلے گئے میچ سے ہوئی تھی جس میں میزبان ٹیم نے ایک اننگ اور114 رن سے جیت حاصل کی تھی۔ سریز کا دوسرا ٹسٹ ناٹنگھم میں کھیلا گیا تھا جو میزبان ٹیم نے 241 رن سے جیتا تھا۔ برمنگھم میں تیسرے اور آخری ٹسٹ میں دس وکٹ کی جیت کے ساتھ انگلینڈ نے تین ٹسٹ میچوں کی سریز میں کلین سوئپ کرتے ہوئے 3-0 سے کامیابی اپنے نام کی تھی۔انگلینڈ نے اس سے پہلے دو مرتبہ ویسٹ انڈیز کے خلاف کلین سوئپ کی تھی۔ 1928 میں اس نے تین ٹسٹ میچوں کی سریز کے سبھی ٹسٹ جیتے تھے جبکہ2004 میں چار ٹسٹ میچوں کی سریز کے سبھی ٹسٹ جیتی تھی۔
ویسٹ انڈیز کو تینوں ٹسٹ میچوں میں ہرانے کے بعد انگلینڈ نے سری لنکا کے خلاف مانچسٹر میں کھیلا گیا پہلا ٹسٹ 5 وکٹ سے جیتا تھا جبکہ لارڈز میں وہ 190 رن سے فاتح رہی۔ اوول میں سریز کے تیسرے اور آخری ٹسٹ میچ میں مہمان سری لنکا نے آٹھ وکٹ سے جیت اپنے نام کی تھی۔ایک گھریلوسیزن میں انگلینڈ نے سب سے زیادہ ٹسٹ میچ 2004میں جیتے تھے۔ اس سیزن میں اس نے تین ٹسٹ نیوزی لینڈ اور چار ٹسٹ ویسٹ انڈیز کے خلاف جیتے تھے اور سبھی میں جیت حاصل کی تھی۔ نیوزی لینڈکے خلاف لارڈز میں تین ٹسٹ میچوں کی سریز کا پہلا میچ ہوا تھا جو انگلینڈ نے سات وکٹ سے جیتا تھا۔ لیڈز میں دوسرا ٹسٹ میچ میزبان ٹیم نو وکٹ سے جیتنے میں کامیاب رہی تھی۔ ناٹنگھم میں سریز کے تیسرے اور آخری ٹسٹ میچ میں انگلینڈ نے نیوزی لینڈ کو چاروکٹ سے شکست دی تھی اور سریز میں کلیں سوئپ کیا تھا۔
اس سریز کے بعد ویسٹ انڈیز نے انگلینڈ کا دورہ کیا تھا اور چار ٹسٹ میچوں کی سریز میں سبھی میچوں میں ہار کا منہ دیکھا تھا۔ لارڈز میں کھیلے گئے پہلے ٹسٹ میچ میں انگلینڈ نے210 رن کی جیت اپنے نام کی تھی جبکہ برمنگھم میں دوسرے ٹسٹ میچ میں وہ256 رن سے فاتح رہی تھی۔ مانچسٹر میں تیسر ا ٹسٹ میزبان ٹیم سات وکٹ سے جیتی تھی جبکہ اوول میں تیسرے اور آخری ٹسٹ میں اس نے دس وکٹ سے کامیابی اپنے نام کی تھی۔
انگلینڈ نے ابھی تک صرف ایک مرتبہ پانچ ٹسٹ میچوں کی سریز میں کلین سوئپ کی ہے۔ اس نے ایساہندوستان کے خلاف1959 میں ہوئی سریز میں کیا تھا۔ سریز کا پہلا ٹسٹ ناٹنگھم میں کھیلا گیا تھا جو میزبان ٹیم نے ایک اننگ اور59 رن سے جیتا تھا۔ لارڈز میں دوسرے ٹسٹ میچ میں انگلینڈ نے آٹھ وکٹ سے جیت حاصل کی تھی جبکہ لیڈز میں تیسرا ٹسٹ میچ وہ 173 رن سے جیتی تھی۔ مانچسٹر میں چوتھے ٹسٹ میچ میں انگلینڈ 171 رن سے فاتح رہی تھی جبکہ اوول میں پانچویں اور آخری ٹسٹ میچ میں وہ ایک اننگ اور 27 رن سے فاتح بنی تھی۔آسڑیلیا کے خلاف 1886, میں انگلینٖڈ نے سیزن میں تین ٹسٹ میچ کھیلے تھے اور سبھی میں جیت اپنے نام کی تھی۔ ایسا ہی ویسٹ انڈیز کے خلاف 1928 میں ہوا تھا۔ ویسٹ انڈیز کا یہ ہندوستان کا پہلا دورہ بھی تھا۔
