بنگلور،27مئی : کرناٹک میں کانگریس حکومت بننے کے ایک ہفتہ بعد آج کابینہ کی توسیع کا عمل انجام پایا۔ 27 مئی کو 24 نئے اراکین اسمبلی نے عہدہ? وزارت کا حلف لیا۔ 20 مئی کو وزیر اعلیٰ سدارمیا اور نائب وزیر اعلیٰ ڈی کے شیوکمار سمیت 10 وزراء نے عہدہ اور رازداری کا حلف لیا تھا، اس طرح اب مجموعی طور پر کرناٹک حکومت میں 34 وزراء ہو گئے ہیں۔آج ہوئی حلف برداری کو لے کر سبھی طرح کی تیاریاں پہلے ہی مکمل کر لی گئی تھیں۔ اس موقع پر وزیر اعلیٰ سدارمیا، نائب وزیر اعلیٰ ڈی کے شیوکمار اور اسپیکر یو ٹی قادر نے نئے وزرا کو مبارکباد پیش کی۔ بعد ازاں وزراء میں محکموں کی تقسیم کر دی گئی۔موصولہ اطلاعات کے مطابق وزیر اعلیٰ سدارمیا وزارت مالیات خود دیکھیں گے، جبکہ نائب وزیر اعلیٰ ڈی کے شیوکمار کو آبپاشی اور بنگلورو سٹی ڈیولپمنٹ محکمہ ملا ہے۔ علاوہ ازیں وزیر اعلیٰ نے اپنے پاس کابینہ امور، انٹلیجنس، پرسنل اینڈ ایڈمنسٹریٹو ریفارمس و محکمہ اطلاعات بھی رکھا ہے۔ جی پرمیشور کو محکمہ داخلہ دیا گیا ہے۔ ایس ایچ کے پاٹل کو لاء اینڈ پارلیمنٹ افیئرس، کے اے منیپا کو فوڈ اینڈ سول سپلائی و کنزیومر افیئر دیا گیا ہے۔ اسی طرح پریانک کھڑگے کو دیہی ترقی و پنچایت راج محکمہ دیا گیا ہے۔ ان کے علاوہ سینئر لیڈر ایچ کے پاٹل، کرشن بائریگوڑا، این چیلوورائے سوامی، کے ونکٹیش اور رحیم خان کو بھی وزیر بنایا گیا ہے۔آج جن 24 لیڈروں کو وزارتی عہدہ کا حلف دلایا گیا ۔
ہے ان میں 6 لنگایت، 4 ووکالیگا، 3 درج فہرست ذات، 2 درج فہرست قبائل اور 5 کروبا، راجو، مراٹھا و موگاویرا طبقہ سے لیے گئے ہیں۔ اسے دیکھ کر لگتا ہے کہ کانگریس لوک سبھا انتخاب سے قبل کسی بھی طبقہ کو مایوس نہیں کرنا چاہتی۔ ذاتوں کے علاوہ کانگریس نے کچھ خاص علاقوں کو بھی خوش کرنے کی کوشش کی ہے۔ مثلاً حکومت میں قدیم میسور اور کلیان کرناٹک علاقہ سے 7-7 اراکین اسمبلی کو وزیر بنایا گیا ہے۔ اسی طرح کتور علاقہ سے 6 اور وسط کرناٹک سے 2 اراکین اسمبلی وزراء بنائے گئے ہیں۔27 مئی کو جن اراکین اسمبلی نے بطور وزیر عہدہ و رازداری کا حلف لیا، ان کے نام اس طرح ہیں:ایچ کے پاٹل،کرشنا بائریگوڑا،این چیلووارائے سوامی،کے ونکٹیش،ایچ سی مہادیوپا،ایشور کھنڈرے، کیاتھاسندرا ،این راجنادنیش گنڈو راو،شرن بسپا درشناپور،شیوانند پاٹل،تماپور رامپا بلپا،ایس ایس ملکارجن،تنگدگی شیوراج سنگپا،شرن پرکاش رودرپا،پاٹل منکل ویدیہ،لکشمی آر ہیبلکررحیم خان،ڈی سدھاکار،سنتوش ایس لاڈ،این ایس بوسیراجو،سریش بی ایس،مدھو بنگارپا،ڈاکٹر ایم سی سدھاکر،بی ناگیندر۔
