فیس گروپ کے زیر اہتمام مشاعرے اور کوی سمیلن کا انعقاد

نئی دہلی ،پریس ریلیز،ہمارا سماج:فیس گروپ کے بینر تلے شکرپور کے علاقے میں مشاعرہ اور کوی سمیلن کا انعقاد کیا گیا، جس میں غازی پور مرغامچھلی منڈی دہلی حکومت کے چیئرمین بھائی مہربان قریشی اور تہاڑ جیل کے ڈپٹی سپرنٹنڈنٹ ڈی ایس موریا مہمان خصوصی کے طور پر موجود رہے ۔ مشاعرے کی صدارت ڈاکٹر تاج الدین انصاری نے کی اور مشہور شاعر شیو کمار بلگرامی کے ہاتھوں شمع روشن کی گئی ۔ فیس گروپ کے چیرمین ڈاکٹر مشتاق انصاری کی نگرانی میں منعقد ہونے والے اس پروگرام میں ایم آئی ایم کے ریاستی صدر شعیب جمئی، اسسٹنٹ پولیس کمشنر دنیش کمار، پولیس انسپکٹر اندرپال سنگھ، سائبان فاؤنڈیشن کے صدر جاوید رحمانی، آل انڈیا ایجوکیشن مومنٹ کے سکریٹری محمد الیاس، سیفی،مانو جاگرکتا وکاس سمیتی کے سینئر نائب صدر لوین گلفام وغیرہ اور معاشرے کے ذمہ دار افراد نے بھی بطور مہمان خصوصی شرکت کی۔ اسٹیج کی نظامت مشہور شاعر دانش ایوبی نے کی۔اس موقع پر پروین کھنگوال، رچنا سچدیوا، جگل کشور، ہمانشو کوچر کو بھی ان کی سماجی خدمات کے لیے فیس پیس اینڈ یونٹی ایوارڈ 2024 سے نوازا گیا۔ اس کے علاوہ مشاعرہ سے قبل منعقدہ میوزیکل پروگرام میں گلوکاروں نے اپنی آواز میں بہترین فلمی گیت پیش کئے۔ اس موقع پر بھائی مہربان قریشی نے کہا کہ فیس گروپ گزشتہ 24 سالوں سے معاشرے کی فلاح و بہبود کے لیے طرح طرح کے پروگرام منعقد کر رہا ہے، آج بھی گلوکاروں، فنکاروں اور شاعروں کی پروموشن کے لیے اسٹیج سجایا گیا ، جو کہ ایک اہم کردار ہے۔ڈی ایس موریہ نے اپنے بیان میں کہا کہ آج فیس کے اسٹیج پر مدھر گلوکاروں کو سننے کا موقع ملا۔ فیس گروپ کے چیئرمین ڈاکٹر مشتاق انصاری نے جانکاری دیتے ہوئے کہا کہ آج کے پروگرام کی بہت سی خصوصیات تھیں۔ گلوکاروں، شاعروں کی حوصلہ افزائی کے لیے انہیں اسٹیج پر اپنی صلاحیتوں کے اظہار کا موقع فراہم کیا گیا اور ان منتخب لوگوں کو بھی اعزاز سے نوازا گیا جنہوں نے ملک اور معاشرے میں امن اور بھائی چارے کو برقرار رکھنے میں اپنا کردار ادا کیا ہے۔اس موقع پر سماجی کارکن ارشد ایوب، عظیم خان، سلیم انصاری، ماڈل انو شرما، فیشن ڈیزائنر شویتا چغ، سماجی کارکن ڈاکٹر دیپ مالا، سشما جیسوال، ڈاکٹر ڈی آر دھون، اشوک تریہن، اشوک نیتاری، ریکھا چندیل، اروند وتس، شیوانی چوپڑا کو بھی ان کی سماجی خدمات کے لیے اعزاز سے نوازا گیا۔ اس موقع پر منعقدہ مشاعرہ میں شیو کمار بلگرامی، شعیب رضا فاطمی، وسیم جہانگیرآبادی، سرتاج امروہوی، شاکر دہلوی، اجے اکس، ایاز عالم ایاز، عاقب سعد، ڈاکٹر پونم ماٹیا ، ریٹا ادا، ڈاکٹر کامنا مشرا، نشا گپتا، ڈاکٹر کامنا پرساد، ڈاکٹر صبا خانم وغیرہ شاعروں اور نے اپنے اشعار پیش کیے اور گلوکاروں میں اندرپال سنگھ، رتنا سنگھ، یوگیش ملک، میگھا بھردواج، ایمینوئل فرینک، ثمر خان، ہما خان، ساجد انصاری، اظہر فردوس، ۔ شاداب، رمیش جھا، سونو چندیل، رشمی راول، کنچن چودھری، تپسیا ٹھاکر، رادھا سنگھ اور آرتی نے ایک کے بعد ایک گیت پیش کرکے سامعین کو مسحور کردیا۔