لکھنؤ، (یواین آئی) سماج وادی پارٹی (ایس پی) کے صدر اکھلیش یادو نے کہا ہے کہ جھوٹے انکاؤنٹر انتظامیہ کو بدعنوانی میں مبتلا کرتے ہیں اور عدالت کے علاوہ کسی اور کے ذریعے سزا دینا بذاتِ خود ایک جرم ہے۔ مسٹر یادو نے الزام لگایا کہ بی جے پی حکومت کے اقتدار میں آنے کے بعد بڑے پیمانے پر جعلی انکاؤنٹر ہوئے ہیں، جن سے کئی بے گناہ لوگوں کی زندگیاں اور خاندان تباہ ہو گئے ہیں۔ انہوں نے کہا کہ صوبے میں ناانصافی اور ظلم اپنی انتہا پر ہے اور جعلی انکاؤنٹر کے نام پر قتل کیے گئے ہیں۔ حکومت کے اشارے پر پولیس بے لگام ہو گئی ہے اور اب عدالت کو بھی اس پر ناراضگی ظاہر کرنی پڑ رہی ہے۔ ایس پی صدر نے کہا کہ بی جے پی حکومت اصل مجرموں کو بچا رہی ہے، جس کی وجہ سے جرائم، بدعنوانی اور ملاوٹ کنٹرول میں نہیں ہے۔ انہوں نے الزام لگایا کہ آئین اور قانون کی پاسداری نہیں ہو رہی ہے اور عوام میں خوف کا ماحول پیدا کیا جا رہا ہے۔ انہوں نے کہا کہ افسران اور پولیس اہلکاروں کی تقرری میں امتیاز ہو رہا ہے اور اقتدار کے تحفظ میں کچھ افسران من مانی کر کے قانون کو ہاتھ میں لے رہے ہیں۔ جھانسی اور نوئیڈا کی واقعات کا ذکر کرتے ہوئے انہوں نے کہا کہ بی جے پی حکومت ہر محاذ پر ناکام رہی ہے اور 2027 میں عوام ظالمانہ حکومت کا خاتمہ کرے گی۔
