رام پور ، بھارتیہ کسان یونین ٹکیت کے ریاستی جنرل سکریٹری حسیب احمد نے کہا کہ محکمہ محصولات فصلوں کے نقصان کا تخمینہ لگانے میں غفلت برت رہاہے۔ انتظامیہ ریونیو کی وصولی کو مکمل طور پر روکے ورنہ کسان آندولن پرمجبورہوںگے۔ریاستی جنرل سکریٹری نے کیمپ آفس میں پنچایت میں کہا کہ اس وقت کسان سخت مشکلات سے دوچار ہیں۔ غیر موسمی بارشوں نے گندم اور تیل کے بیجوں کی فصلیں تباہ کر دی ہیں۔ کھیتوں میں پچاس فیصد گندم بھی نہیں بچاہے۔ کسان کسی نہ کسی طرح فصل کو بچانے میں کامیاب ہو جاتے ہیںپھر اس کا معیار خراب ہو جاتا ہے۔ اس کے بعد بھی محکمہ ریونیو نقصان کا تخمینہ لگانے میں لاپرواہی برت رہا ہے۔حسیب احمد نے کہا کہ لیکھ پال موقع پر جانے کے بجائے گاؤ ں کے بااثر لوگوں کے گھروں پر بیٹھ کر من گھڑت اندازے لگا رہے ہیں۔ ایسے میں حقیقی کسانوں کو معاوضہ نہیں مل سکے گا۔ ریاستی جنرل سکریٹری نے کہا کہ کسان اس وقت مشکل میں ہیںاس لئے ریونیو کی وصولی پر مکمل پابندی ہونی چاہیے۔ وارننگ دی کہ اگر کسانوں کو ہراساں کیا گیاتو بڑی تحریک چلائی جائے گی۔ انہوں نے تنظیم کی مضبوطی پر بھی زور دیا۔ پنچایت میں مہندر سنگھ یادو، یشویر سنگھ، رادھے لال، نل سنگھ یادو، مستقیم، یامین خان، سندر سنگھ، چودھری راجپال، مہندی حسن، اکرام، طوطارام، منویر سنگھ، ارجن تیاگی، ٹھاکر انل سنگھ چوہان، آننگ پال ساگر رمیش یادو بھی موجود تھے۔
