سعودی عرب:گروپ آف سیون (جی سیون) ممالک کے قائدین نے جمعرات کو غزہ جنگ بندی معاہدے کو "ایک اہم پیش رفت” قرار دیا اور اسرائیل اور حماس پر زور دیا کہ وہ اس کے "مکمل نفاذ” پر کام کریں۔”یہ ایک اہم پیش رفت ہے۔” جی سیون نے ایک بیان میں زور دیتے ہوئے کہا کہ مذاکرات کے اگلے مراحل میں "تمام فریق تعمیری طور پر شامل ہوں تاکہ اس کے مکمل نفاذ اور دشمنیوں کے مستقل خاتمے کو یقینی بنانے میں مدد ملے۔”فلسطینی قیدیوں کے اسرائیلی یرغمالیوں سے تبادلے پر مبنی جنگ بندی معاہدہ نافذ ہونے سے پہلے اسرائیل کی سکیورٹی کابینہ کی منظوری کا منتظر ہے جس کے بعد جنگ کے مستقل خاتمے کی شرائط پر مذاکرات ہوں گے۔سلامتی کے خطرات سے اسرائیل کے دفاع کے لیے جی سیون نے بھی اپنی حمایت کا اعادہ کیا اور ایران اور اس کے پراکسیوں پر اسرائیل کے خلاف مزید حملوں سے باز رہنے” پر زور دیا۔اپنے بیان میں گروپ نے "غزہ میں تباہ کن انسانی صورتِ حال پر بھی روشنی ڈالی جہاں حالات مسلسل خراب ہو رہے ہیں۔”جی سیون نے کہا، "ہم تمام فریقین سے انسانی امداد کی محفوظ، تیز رفتار اور بلا تعطل ترسیل کی اجازت دینے اور انسانی ہمدردی کے کارکنان سمیت شہریوں کے تحفظ کو یقینی بنانے کا مطالبہ کرتے ہیں۔”
