گرو نانک پبلک ا سکول کے طلبہ کی مصوری کے مقابلے میں بہتر کارکردگی

بیدر،یکم اگست،سماج نیوز سروس: نہرو اسٹیڈیم بیدر کے قریب گرو نانک پبلک اسکول کے طلباء نے کرناٹک اسکول ایگزامینیشن اینڈ ایویلیوایشن بورڈ بنگلور 2023-24 ینٹنگ(مصوری) گریڈ کے امتحان میں اپنی عمدہ کارکردگی کے ذریعہ توجہ حاصل کی ہے ۔انہوں نے مصوری کے ہائیر اور لوئر امتحانات میں اعلیٰ اور اوّل درجہ کے ساتھ کامیابی حاصل کی ہے۔وہ طلباء جنہوں نے اعلیٰ(ہائیر) امتحان فرسٹ ڈویژن اور فرسٹ کلاس کے ساتھ پاس کیا ہے ان میں پدماوتی اشوک، ونیتا بابو راؤ، شراونی مہیش، ارپیتا ماروتی، بھاگیاوتی بھیم راؤ، سیدزکوان سیدمجاہد، آرین سنگھ راماسنگھ اور سنگمیشور سنجیوشامل ہیں۔ وہ طلباء جنہوں نے لوئر امتحان فرسٹ ڈویژن اور فرسٹ کلاس کے ساتھ پاس کیا ہے ان میں ساکشی، شیخ عظمیٰ سارا، سمرندیپ کور، روہنی، اشونی، تیجسوینی، شرسٹی، نرکشا، کنچنا، ایشا داس، نندنی، امولیا، انوشکا اور ریتوشامل ہیں۔اسعمدہ مظاہرے پر انہیں گرونانک پبلک ا سکول میں تہنیت سے نوازا گیا۔ پرنسپل نلنی ڈی جی نے طلباء سے خطاب کرتے ہوئے کہا کہ وہ آنے والے دنوں میں محنت سے تعلیم حاصل کریں اور اسکول اور والدین کانام روشن کریں۔ انہوں نے ہر طالب علم پر زور دیا کہ وہ مختلف مقابلوں میں حصہ لیں کیونکہ اس طرح کی سرگرمیوں میں حصہ لینے سے ان کی صلاحیتوں میں نکھار آئے گا۔آرٹ ٹیچر مسٹر راجو پرکاش اور اُودے پرکاش کی رہنمائی اوران کی مسلسل کوششوں سے یہ کامیابی ممکن ہوئی ہے۔اس بات کی اطلاع گرونانک پبلک اسکول کے ذرائع نے ایک پریس نوٹ کے ذریعہ دی ہے۔