سید پرویز قیصر
پہلے چار ٹسٹ میچوں میں اپنی بالنگ کے جوہر دیکھانے کے بعدگس ایٹکنسن پانچویں ٹسٹ میں اپنی بلے بازی کا لوہا بھی منگوایا۔ سری لنکا کے خلاف لارڈز میں کھیلے جارہے دوسرے ٹسٹ کے دوسرے دن انگلینڈ کی پہلی اننگ میں انہوں نے115 بالوں پر14 چوکوں اور چار چھکوں کی مدد سے118 رن بنائے جو ٹسٹ کرکٹ میں ہی نہیں فرسٹ کلاس کرکٹ میں بھی انکی پہلی سنچری تھی۔
دائیں ہاتھ سے بلے بازی کرنے والے اس بلے باز نے لارڈز ٹسٹ سے پہلے جو23 فرسٹ کلاس میچ کھیلے تھے انکی31 اننگوں میں 20.20 کی اوسط اور57.06 کے اسٹرائیک ریٹ کے ساتھ تین نصف سنچریوں کی مدد سے505 رن بنائے تھے۔فرسٹ کلاس کرکٹ میں ان کا سب سے زیادہ اسکور91 رن تھا جو انہوں نے سرے کی جانب سے سری لنکا ڈولپمنٹ الیون کے خلاف بیکھم میں مئی 2022 میں ہوئے میچ میں بنایا تھا۔ اس میچ میں انہوں نے پانچویں نمبر پر بلے بازی کی تھی اور180 منٹ میں131 بالوں پر آٹھ چوکوں اور ایک چھکے کی مدد سے یہ رن بنائے تھے۔
اس ٹسٹ سے پہلے تک انہوں نے کل ملاکر بھی سو رن نہیں بنائے تھے۔ لارڈز ٹسٹ سے پہلے تک انہوں نے جو چار ٹسٹ کھیلے تھے انکی پانچ اننگوں میں16.00 کی اوسط اور56.63 کے اسٹرائیک ریٹ کے ساتھ صرف 64 رن بنائے تھے۔ وہ ایک مرتبہ اپنا کھاتہ کھولنے میں ناکام رہے تھیاور ان کا سب سے زیادہ اسکورآوٹ ہوئے بغیر21 رن تھا جو انہوں نے ناٹنگھم میں جولائی2024 میں ویسٹ انڈیز کے خلاف 50 منٹ میں26 بالوں پر تین چوکوں کی مدد سے بنایا تھا۔ برمنگھم میں جولائی 2024 میں ویسٹ انڈیز کے خلاف ہوئے ٹسٹ میچ میں بھی انہوں نے21 رن بنائے تھے مگر تب وہ آوٹ ہوگئے تھے۔ انہوں نے26 منٹ میں16 بالوں پر ایک چوکے اور دو چھکوں کی مدد سے یہ رن بنائے تھے۔
لارڈز میں ویسٹ انڈیز کے خلاف انہوں نے اسی سیزن میں پہلا ٹسٹ میچ کھیلا تھا اور اپنے ٹسٹ کیرئر کی شاندار شروعات کرتے ہوئے اپنے پہلے ٹسٹ میں26 اوور میں106 رن دیکر بارہ کھلاڑیوں کو آوٹ کیا جو انگلینڈ کی جانب سے کھیلتے ہوئے پہلے ٹسٹ میچ میں دوسری سب سے اچھی بالنگ کارکردگی ہے۔ انہوں نے پہلی اننگ میں12 اوور میں45 رن دیکر سات کھلاڑیوں کو آوٹ کیا جو انکی فرسٹ کلاس کرکٹ میں بھی سب سے اچھی بالنگ کارکردگی ہے۔ دوسری اننگ میں وہ 14 اوور میں 61 رن دیکر پانچ کھلاڑیوں کو آوٹ کرنے میں کامیاب رہے۔ اپنے پہلے ٹسٹ میں وہ 26 اوور میں106 رن دیکر بارہ کھلاڑیوں کو آوٹ کیا جو ایک فرسٹ کلاس میچ میں انکی سب سے اچھی بالنگ کارکردگی ہے۔ انگلینڈ کے لئے پہلے ٹسٹ میں سب سے اچھی بالنگ کا ریکارڈ بائیں ہاتھ کے تیز بالر فریڈ مارٹن کے پاس ہے جنہوں نے آسڑیلیا کے خلاف اوول میں اگست 1890 میں57.2 اوور میں102 رن دیکر بارہ کھلاڑیوں کو آوٹ کیا تھا۔ اس زمانے میں ایک اوور میں پانچ بالیں ہوتی تھی۔ فریڈ مارٹن نے ٹسٹ کی پہلی اننگ میں27 اوور میں50 رن دیکرچھ کھلاڑیوں کو آوٹ کیا تھا جبکہ دوسری اننگ میں وہ30.2 اوور میں52 رن دیکر چھ ہی وکٹ لینے میں کامیاب رہے تھے۔ پہلے ٹسٹ میں یہ تیسرے سب سے اچھی بالنگ کارکردگی ہے۔ اس ٹسٹ میں انگلینڈ کو دو وکٹ سے کامیابی حاصل ہوئی تھی۔
گس ایٹکنسن ٹسٹ کرکٹ میں انگلینڈ کی جانب سے سنچری اسکور کرنے والے 175 ویں بلے باز ہیں۔ سری لنکا کے خلاف انگلینڈ کے25 کھلاڑیوں نے سنچریان اسکور کی ہیں۔جو روٹ12 ٹسٹ میچوں کی 21 اننگوں میں پانچ سنچریوں کے ساتھ سب سے زیادہ سنچریاں بنانے والے بلے باز ہیں۔
