رام پور،23؍ مئی،سماج نیوز سروس: گرمی کی لہر اور گردوغبار کے ذرات آنکھوں میں داخل ہونے سے ضلع اسپتال میں آنکھوں کے مسائل میں مبتلا مریضوں میں اضافہ ہوگیا ہے۔ آنکھوں میں پانی آنے کے ساتھ روشنی بھی کم ہو رہی ہے۔ ضلع اسپتال کی او پی ڈی میں ایک ہزار سے زائد مریض پہنچے۔ آنکھوں کے ماہر ڈاکٹر شمی کپور نے کہا کہ گرمیوں میں آنکھوں کی دیکھ بھال بہت ضروری ہے۔ بڑھتے ہوئے درجہ حرارت کے ساتھ گردو غبار اورگرمی آنکھوں میں چبھن کا باعث بن رہی ہے۔ اس کے ساتھ ساتھ ضلع اسپتال میں اس وقت گلوکوما کے مسئلہ میں بھی بہت سے لوگ ہیں۔ روزانہ چیک اپ اور ادویات اور قطرے لینے آتے ہیں۔اس کے علاوہ دیگر امراض میں مبتلا مریض بھی آئے اور ڈاکٹروں سے ان کا علاج کیا گیا۔ گرمی کی لہر اور ہوا میں نمی کی وجہ سے ضلع اسپتال میں قے، اسہال اور بخار میں مبتلا مریضوں کی تعداد میں اضافہ ہوگیا ہے۔
