لبنان:
کل رات جنوبی لبنان پر ایک فضائی حملے میں حزب اللہ کے کمانڈر ابو طالب عبداللہ سمیت اس کے 4 ارکان کی ہلاکت کے بعد حزب اللہ نے اسرائیل کو سنگین نتائج کی دھمکی دی ہے۔حزب اللہ کا کہنا ہے کہ وہ اسرائیل کو اب کسی بھی حملے کا اینٹ کا جواب پتھر سے دے گی۔حزب اللہ ایگزیکٹو کونسل کے سربراہ ہاشم صفی الدین نے بدھ کے روز تنظیم کے مضبوط گڑھ بیروت کے جنوبی نواحی علاقے میں عبد اللہ کے جنازے کے دوران ایک تقریر میں کہا ہے کہ "ابو طالب کے قتل کے بعد حزب اللہ کا جواب سخت ہوگا اور ہم "ہم اپنی کارروائیوں کی شدت، معیار، مقدار اور نوعیت کے مطابق جواب دیں گے‘۔
طالب عبداللہ، حزب اللہ کے رہنما (تصویر حزب اللہ کی طرف سے شائع کی گئی)
طالب عبداللہ، حزب اللہ کے رہنما (تصویر حزب اللہ کی طرف سے شائع کی گئی)
حزب اللہ میں سینیر کمانڈر کی ہلاکت
اسرائیلی فوج کے ذرائع نے اطلاع دی ہے کہ حکومت نے ابھی تک لبنان میں حزب اللہ کے خلاف وسیع فوجی آپریشن شروع کرنے کا فیصلہ نہیں کیا ہے ، اور اس کے بجائے وہ اہدافی کارراوئیوں پر اکتفا کر رہی ہے۔
تاہم فوج کے عہدیداروں نے تصدیق کی کہ حکومت حزب اللہ کے سینیر رہ نماؤں کے ساتھ ساتھ اس کے کمانڈ سینٹرز پر بھی حملہ جاری رکھے گی۔
