نئی دہلی، حج بیت اللہ 2023کے لیے حج پروازوں کا سلسلہ شروع ہونے میں اب صرف 16دن باقی رہ گئے ہیں ایسے میں ہندوستان کے سب سے بڑے ایمبارکیشن پوائنٹ دہلی سے آئندہ21؍مئی2023سے عازمین حج کی روانگی کے لیے دہلی اسٹیٹ حج کمیٹی کی جانب سے مختلف سطحوں پر تیاریوں کا سلسلہ زور و شور سے چل رہا ہے۔ اسی سلسلے میں آج وزارتِ شہری ہوا بازی، حکومت ہند کے سکریٹری جناب راجیو بنسل اوروزارت اقلیتی بہبود کے جوائنٹ سکریٹری کے ساتھ وزارتِ شہری ہوابازی کے دفتر میں ایک خصوصی میٹنگ کا انعقاد کیا گیا ۔ جس میں دہلی اسٹیٹ حج کمیٹی کی چیئرپرسن محترمہ کوثر جہاں نے حج بیت اللہ کے لیے روانہ ہونے والے دہلی اور اس کے علاوہ دیگر چھ ریاستوں کے عازمین کو بہتر سے بہتر سہولیات کی فراہمی کو یقینی کو بنانے کے لیے متعلقہ افسران سے تفصیلی تبادلہ خیال کیا۔اس میٹنگ میں حج کمیٹی آف انڈیا کے چیف ایگزیکٹو آفیسر جناب یعقوب شیخا،اندرا گاندھی بین الاقوامی ایئرپورٹ کی مختلف اٹھارتی کے افسران کے علاوہ دہلی اسٹیٹ حج کمیٹی کے ایگزیکٹو آفیسر جناب اشفاق احمد عارفی،ڈپٹی ایگزیکٹو آفیسر جناب محسن علی نے بھی مختلف امور پر اظہار خیال کیا۔
