محمدزاہد امینی
نوح ،میوات،6 دسمبر، سماج نیوز سروس: نوح کے ایڈیشنل ڈپٹی کمشنر کا تبادلہ ضلع سرسہ ہو جانے کے بعد آج رینو سوگان نے میوات کے نئے ایڈیشنل ڈپٹی کمشنر کے طور پر چارج سنبھالا۔ 2019 بیچ کی آئی اے ایس آفیسر رینو سوگان اس سے قبل کئی اضلاع میں بطور ایس ڈی ایم و اے ڈی سی کے عہدے پر خدمات دے چکی ہیں۔ضلع نوح کا چارج لینے کے بعد ضلع منی سکریٹریٹ کے میٹنگ ہال میں آج انہوںنے ضلع کے افسران کی ایک اہم میٹنگ لی۔ ضلع انتظامیہ کے افسران کے ساتھ اپنی پہلی میٹنگ میں اے ڈی سی رینو کے سامنے سبھی افسران نے اپنا تعرف پیش کیا۔ اس کے بعد ایڈیشنل ڈپٹی کمشنر نے افسران سے بدعنوانی سے پاک ڈیوٹی دینے کی ہدایت دی۔ اس موقع پر اے ڈی سی میوات نے افسران و ملازمین کو دفترمیں وقت پر آنے کی ہدایت دی۔انہوںنے کہا کہ حکومت کی اسکیموں کو عوام تک پہنچانا ان کی ترجیحات میں شامل ہے ۔ نو منتخب اے ڈی سی نے افسران کو ہدایات جاری کی کہ وہ عوامی مسائل خاص طور پر پینشن، بجلی و پانی سے متعلق مسائل کے حل کے لیے عوام کی شکایات کو سنیںاور ان کو وقت پر حل کریں۔غورطلب ہے کہ میوات میں پہلی مرتبہ پوسٹنگ ہوئی رینو کے یہاں پر آنے سے علاقہ کے عوام میں خوشی دیکھی جارہی ہے۔ لوگوں کا ماننا ہے کہ جہاں عوام کے مسائل کو ترجیحات کی بنیاد پر حل کیا جائے گا وہیں ان کو امید ہے کہ بدعنوانی پر بھی ضرور قدغن لگے گا ۔
