بارہویں شب میں نماز تراویح میں قرآن کریم مکمل

دیوبند، 23؍ مارچ ،سماج نیوز سروس: رمضان المبارک کی بارہویں شب میں شہر کے محلہ بیرون کوٹلہ میں واقع طیب اسپتال میں نماز تراویح میں قرآن شریف مکمل کیاگیا،اس دوران ملک و دنیا میں امن سلامتی کے لئے اجتماعی دعاء کا اہتمام کیاگیا۔نماز تراویح میں تکمیل قرآن کریم کے موقع پر منعقد دعائیہ مجلس سے خطاب کرتے ہوئے مولانا مفتی محمد دانش قاسمی نے رمضان المبارک کی فضیلت اور قرآن کریم کی عظمت پر تفصیلی روشنی ڈالی او رحاضرین مجلس کو تلاوت و نمازروزوں کی پابندی کی تلقین کی اور کہاکہ اگر ہم اپنی زندگی میں قرآن کریم کولازمی پکڑ لیں تو یقینی طورپر ہمارے تمام مسائل و مصائب دور ہوجائینگے اور بڑی امن وسکون اور راحت بھری زندگی ہوگی،بشرط کے ہم اپنی زندگی کو قرآن کے مطابق ڈھالیں۔انہوں نے کہاکہ یہ مہینہ رحمتوں والا ہے، اس ماہ رمضان میں قرآن شریف کی خوب تلاوت کریں ۔رمضان کے ساتھ ساتھ ہمیشہ برے کاموں سے بچنا اور اللہ کی عبادت میں مصروف رہنا چاہئے اسی میں کامیابی ہے۔ مولانا حافظ عبدالقادر اور حافظ محمد سفیان نے کہا کہ رمضان المبارک میں ہر نیکی کا ثواب 70 گنا کردیا جاتاہے اس لیے زیادہ سے زیادہ اللہ کی عبادت کرنی چاہیے اور غریبوں اور ناداروں کی مدد کرنی چاہیے۔انہوں نے نماز تراویح کا معمول پورے رمضان رکھنے کی تلقین کی۔ اس دوران تکمیل قرآن کریم کے بعد مٹھائی تقسیم کی گئی۔اس دوران صحافی آباد علی، ڈاکٹر نوید ندیم، سہیل، فرقان اسلام شیخ، فرحان علی ایڈووکیٹ، سلیم قریشی دادا، عمر سلمانی اختر فیاض سکھا قریشی اور محلہ بیرون کوٹلہ اور شہر کے دیگر علاقوں کے لوگوں کی بڑی تعداد نے شرکت کی۔