نئی دہلی :27اکتوبر /شعیب رضا فاطمی:وزیر اعظم نریندر مودی نے آج پرگتی میدان کے بھارت منڈپم میں 7ویں انڈین موبائل کانگریس۔2023 کا افتتاح کیا۔ اس پروگرام کے دوران پی ایم مودی نے ملک بھر کے تعلیمی اداروں کو 100 ‘5G Use Case Labs’ فراہم کیں۔ یہ لیبارٹریز ‘100 5G لیبز انیشیٹو کے تحت تیار کی جا رہی ہیں۔ ‘100 5G لیبز انیشیٹو 5G ایپلی کیشنز کی ترقی کی حوصلہ افزائی کرتے ہوئے 5G ٹیکنالوجی سے استفادہ حاصل کرنے کی ایک کوشش ہے۔ جو ہندوستان کی ضروریات کے ساتھ ساتھ عالمی تقاضوں کو بھی پورا کرے گی۔ یہ منفرد اقدام تعلیم، زراعت، صحت، بجلی، نقل و حمل جیسے مختلف سماجی و اقتصادی شعبوں میں جدت کو فروغ دے گی اور 5G ٹیکنالوجی کے استعمال میں ملک کو آگے لے جائے گی۔ اس موقع پر خطاب کرتے ہوئے پی ایم مودی نے کہا کہ ہمارے نوجوان کسی بھی شعبے میں جتنا زیادہ حصہ لیں گے، اس شعبے میں اتنی ہی ترقی ہوگی۔ نیز، جیسے جیسے نوجوان زیادہ سے زیادہ شعبوں میں شامل ہوں گے، وہ بھی زیادہ سے زیادہ ترقی کریں گے۔ اٹل ٹنکرنگ لیبز اور 5 جی یوز کیس لیبز جیسے پلیٹ فارم ہماری نوجوان نسل کو بڑے خواب دیکھنے کی ترغیب دیتے ہیں، اور ان میں ان خوابوں کو حاصل کرنے کا اعتماد پیدا کرتے ہیں۔ پی ایم مودی نے کہا کہ ہندوستان میں ترقی کے ثمرات ہر طبقے، ہر خطہ تک پہنچنے چاہیے، ہندوستان کے وسائل سے ہر کسی کو فائدہ اٹھانا چاہئے، ہر ایک کو باوقار زندگی گزارنی چاہئے اور ٹیکنالوجی کے فوائد سب تک پہنچنے چاہئیں، ہم اس سمت میں تیزی سے کام کر رہے ہیں۔ ہیں.میرے لیے یہ سب سے بڑا سماجی انصاف ہے۔ شہریوں کے لیے سرمائے تک رسائی، وسائل تک رسائی اور ٹیکنالوجی تک رسائی ہماری حکومت کی ترجیح ہے۔پی ایم مودی نے کہا کہ ملک میں کل 10,000 اٹل ٹنکرنگ لیبز کے ذریعے، ہم نے تقریباً 75 لاکھ طلباء کو جدید ٹیکنالوجی سے جوڑا ہے۔ مجھے یقین ہے کہ 100 ‘5G Use-Case Labs’ ملک بھر کے تعلیمی اداروں میں بہت کارآمد ثابت ہوں گی۔ یہ واقعی ہماری نئی نسل کے لیے ایک بڑا اقدام ہے۔ بھارت نیٹ پروجیکٹ نے اب تک تقریباً 2 لاکھ گرام پنچایتوں کو براڈ بینڈ کنیکٹیویٹی سے جوڑا ہے۔ ہماری اٹل ٹِکرنگ لیب کے پیچھے بھی یہی خیال ہے۔تین روزہ انڈین موبائل کانگریس ٹیک ایونٹ کے 7ویں ایڈیشن میں 6G، 5G نیٹ ورک کی بہتری، ٹیلی کام اور دیگر شعبوں پر توجہ دی جائے گی۔ پی ایم مودی کے ساتھ، مرکزی الیکٹرانکس اور آئی ٹی وزیر اشونی ویشنو نے بھی اس تقریب میں شرکت کی ۔ایشیا کے سب سے بڑے ٹیکنالوجی پلیٹ فارم پر اے آئی ایپلی کیشنز، ایج کمپیوٹنگ، انڈسٹری 4.0 اور انڈیا اسٹیک سے متعلق نئی معلومات بھی دستیاب ہوں گی۔ IMC 2023 متعلقہ ٹیکنالوجی ڈومینز جیسے براڈکاسٹ، سیٹلائٹ کمیونیکیشن، مینوفیکچرنگ اور سیمی کنڈکٹرز کی وسعت کو ظاہر کر رہا ہے۔ تین روزہ ایونٹ میں 5G، 6G، مصنوعی ذہانت (AI) جیسی ٹیکنالوجیز کو اجاگر کیا جائے گا اور سیمی کنڈکٹر انڈسٹری، گرین ٹیکنالوجی، سائبر سیکیورٹی وغیرہ سے متعلق مسائل پر تبادلہ خیال کیا جائے گا۔وزیر اعظم نریندر مودی نے ریلائنس جیو کارنر کا دورہ کیا۔ اس دوران جیو کے چیئرمین آکاش امبانی نے پی ایم مودی کو آئی ایم سی 2023 میں ریلائنس جیو کمپنی کی طرف سے دکھائے گئے نئے پروڈکٹس اور انکے خصوصیات سے واقف کروایا۔ پی ایم مودی نے اس سال کے پروگرام میں ایئرٹیل اور ایرکسن کی طرف سے دکھائی جانے والی نئی ٹیکنالوجی پر بھی ایک نظر ڈالی۔اس ایونٹ میں، ٹیلی کام کمپنیاں جیسے Jio، Airtel اور Vodafone Idea (Vi) اپنے نئے 5G استعمال کے کیسز، اپنی ایپلی کیشنز اور خدمات کی نمائش کریں گی جو اگلے چند سالوں میں صارفین کے لیے دستیاب ہو سکتی ہیں۔ IMC 2023 میں 22 ممالک کے ایک لاکھ سے زائد شرکاءشرکت کرنے والے ہیں، جس میں تقریباً 5000 CEO سطح کے مندوبین، 230 نمائش کنندگان، 400 اسٹارٹ اپ اور دیگر اسٹیک ہولڈرز شامل ہوں گے۔
