سید پرویز قیصر
دسویں ٹونٹی ٹونٹی عالمی کپ کے سیمی فائنل میں داخلہ کیلئے ہندوستان اور ویسٹ انڈیز کی ٹیمیں کولکاتہ کے ایڈن گاتڈینس میں اتوار ( یکم مارچ) کو مدمقابل ہونگیں۔ ویسے تو اس ٹورنامنٹ میں کوئی کوارٹر فائنل نہیں ہے مگر یہ میچ کوارٹر فائنل بن گیا ہے اور اس کوارٹر فائنل کی فاتح سیمی فائنل میں کھیلنے کی حقدار بنے گی۔
ہندوستان اور ویسٹ انڈیز کے درمیان ابھی تک جو30 ٹونٹی ٹونٹی بین الاقوامی میچ ہوئے ہیں اس میں پہندوستان نے19 میچوں میں جیت اپنے نام کی ہے جبکہ ویسٹ انڈیز نے دس میچ جیتے ہیں۔ دونوں کے مابین ایک میچ نامکمل بھی رہا ہے۔ ہندوستان کا ریکارڈ ویسٹ انڈیز کے خلاف ٹونٹی تونٹی بین الاقوامی میچوں میں بھلے ہی اچھا ہو ٹونٹی ٹونٹی عالمی کپ میں ویسٹ انڈیز کا پلڑا بھاری ہے۔ اس نے چار نمیں سے تین میچوں میں کامیابی حاصل کی ہے۔ ہندوستان نے ایک میچ جیتا ہے۔ دونوں کے درمیان کو ااخری پانچ ٹونٹی ٹونٹی بین الاقوامی میچ ہوئے ہیں اس میں ویسٹ انڈیز نے تین میچوں میں اور ہندوستان نے دو میچوں میں جیت اپنے نام کی ہے۔ اپنے گھر پر ہندوستان کا ریکارٖڈ ویسٹ انڈیز کے خلاف ٹونٹی ٹونٹی بین الاقوامی کرکٹ میں بء حد شاندار ہے۔ اس نے ہندوستان میں دس میچو ں میں سے آٹھ میں کامیابی حاصل کی ہے۔ ویسٹ انڈیز کو دو میچوں میں جیت حاصل ہوئی ہے۔
ویسٹ انڈیز اور ہندوستان کے مابین آخری ٹونٹی ٹونٹی بین الاقوامی میچ13 اگست2023 کو لوڈرہل میں کھیلا گیا تھا جس میں ویسٹ انڈیز8 وکٹ سے فاتح بنی تھی۔ پہلے بلے بازی کرتے ہوئے ہندوستان نے مقررہ20 اوور میں نو وکٹ پر 165 رن بنائے تھے۔ ویسٹ انڈیز نے18 اوور میں دو وکٹ پر171/ رن بناکر میچ جیتا تھا۔
ویسٹ انڈیزکا ہندوستان کے خلاف سب سے زیاد اسکور مقررہ20 اوور میں چھ وکٹ پر245 رن ہے جو اس نے لاڈرہل میں27 اگست2016 کو ہوئے میچ میں بنایا تھا۔ اس میچ میں بعد میں بلے بازی کرتے ہوئے ہندوستان نے مقررہ20 اوور میں چار وکٹ پر244 رن بنائے تھے جو اس کا ویسٹ انڈیز کے خلاف سب سے کم اسکور ہے۔
لاڈرہل میں3 اگست2019 کو ہوئے میچ میں ویسٹ انڈیز نے مقررہ20 اوور میں نو وکٹ پر95 رن بنائے تھے جو اس کا ہندوستان کے خلاف ٹونٹی ٹونٹی بین الاقوامی کرکٹ میں سب سے کم اسکور ہے۔ ہندوستان کا ویسٹ انڈیز کے خلاف سب سے کم اسکور19.4 اوور میں138 رن ہے جو اس نے بیسیٹیری میں یکم اگست2022 کو ہوئے میچ میں بنایا تھا۔
ایون لوئیس نے کنگسٹن میں9 جولائی2017 میں ہوئے میچ میں62 بالوں پر چھ چوکوں اور بارہ چھکوں کی مدد سے آوٹ ہوئے بغیر125 رن بنائے تھے جو ویسٹ انڈیز کی جانب سے ہندوستان کے خلاف سب سے بڑا انفرادی اسکور ہے۔ ہندوستان کی جانب سے ویسٹ انڈیز کے خلاف سب سے بڑی اننگ کھیلنے کا اعزاز روہت شرما کے پاس ہے جنہوں نے لکھنو میں6 نومبر2018 کو ہوئے میچ میں95 منٹ میں61 بالوں پر آٹھ چوکوں اور سات چھکوں کی مدد سے آوٹ ہوئے بغیر 111 رن بنائے تھے۔
ویسٹ انڈیز کی جانب سے ہندوستان کے خلاف سب سے اچھی بالنگ کرانے کا اعزاز بائیں ہاتھ کے تیز بالر عبید میکائے کے پاس ہے جنہوں نے بیسیٹیری میں یکم اگست2022 کو ہوئے میچ میں چار اوور میں17 رن دیکر چھ کھلاڑیوں کو آوٹ کیاتھا۔ روی بشنوئی نے لوڈرہل میں7 اگست2022 کو ہوئے میچ میں2.4 اوور میں رن دیکر چار کھلاڑیوں کو آوٹ کیا تھا جو ہندوستان کی جانب سے ویسٹ انڈیز کے خلاف سب سے اچھی بالنگ کارکردگی ہے۔
